Pata programuSoma Biblia Kila Siku Novemba/2022Mfano
Huenda Daudi alitunga zaburi hii wakati alipoleta sanduku la Bwana Yerusalemu ili likae katika hema ya kukutania kwenye mlima Sayuni. Ndipo ... Daudi akaenda, akalileta sanduku la Mungu, toka nyumba ya Obed-edomu mpaka mji wa Daudi, kwa shangwe. … Wakaliingiza sanduku la Bwana, na kuliweka mahali pake, katikati ya hema aliyoipiga Daudi kwa ajili yake, naye Daudi akatoa sadaka za kuteketezwa na sadaka za amani mbele za Bwana (2 Sam 6:12-19). Siku hizi tunatumia zaburi hii tunapoanza mwaka mpya wa kanisa (Majilio) ili kuonyesha kwamba sisi tuliompokea Yesu ni hekalu lake, na Bwana mwenyewe hukaa kwetu kwa Roho Mtakatifu (1 Kor 3:16-17, Hamjui ya kuwa ninyi mmekuwa hekalu la Mungu, na ya kuwa Roho wa Mungu anakaa ndani yenu? ... hekalu la Mungu ni takatifu, ambalo ndilo ninyi). Leo twajifunza mambo mawili muhimu juu ya huyo Bwana anayetaka kukaa mioyoni mwetu: Ukuu wake (m.1-2) na utakatifu wake (m.3-6). Tujitakase!
Andiko
Kuhusu Mpango huu
Soma Biblia Kila Siku Novemba/2022 ni mpango wa kusoma Biblia sehemu kwa sehemu kila siku kwa mwezi wa Novemba pamoja na maelezo mafupi yatakayokusaidia kuelewa kwa urahisi na kuendelea kutafakari neno la Mungu ulilosoma kwa siku husika. Katika mpango huu utasoma zaidi katika kitabu cha Mwanzo na Zaburi. Karibu kujiunga na mpango huu na usome bure
More
Tungependa kuwashukuru Soma Biblia kwa kutoa mpango huu. Kwa habari zaidi, tafadhali tembelea: https://www.somabiblia.or.tz/
