Soma Biblia Kila Siku/ Machi 2023Mfano

Wayahudi walitumia viatu vilivyokuwa wazi. Kwa hiyo wakiwa safarini, miguu yao ilichafuka kwa urahisi. Walikuwa na desturi ya kutawadha (kunawa) miguu wakijiandaa kula. Hawakukalia viti wakati wa kula bali walikaa chini kwenye sakafu. Kwa hiyo ilikuwa muhimu zaidi kuwa na miguu safi. Yesu akijua kwamba hapo karibuni atarudi kwa Baba, alitenda tendo hili la pekee ili kuwaonyesha kwamba aliwapenda upeo (m.1; m.3-5 inathibitisha hiyo kwa jinsi Yesu alivyokuwa tayari kuwatumikia). Pia aliwapa wanafunzi wake kielelezo kwa kuwatadha miguu. Yesu mwenyewe anawaambia katika m.12-16. Heri ninyi mkiyatenda (m.17)!