San Juan 1இலிருந்து பிரபலமான வேதாகம வசனங்கள்

பகிர்

Pari i isegba ʉu warag i iek ʉkha nʉmua warag irigta amach peerdʉpitarr khʉʉnan ichdeujã warag Ẽwandam chaainag paapʉimajim.

Warrgar bʉ̃ʉrjã nem ompaaba nʉwe Ẽwandam sim dʉi chi Iewaajã sĩejim aajem. Ich mag chi Iewaapai ĩchab Ẽwandamau.

Mag ichdeuta ich Aai khap apieg õtdau paa dʉnʉmjo sĩewai mʉg durr ich khaibagau sĩi edau khĩejo simuajã pod i thõo auba aajem.

Mag, Ẽwandam Iewaata wounag pawia mʉig eegar sĩeichejim. Ichta Ẽwandam Chaai ãbpai khitʉmuata ich iiu aawai ich Aai ipierraa nem khĩir pogkhe wau nʉrrarr marau oojim. Magta i gaaimua marau khaphʉ nʉisijim, jãga Ẽwandam chi Ayaujã maach jãsene sĩerrʉ́.

Ẽwandamau i dʉimuata nem thʉnʉmjã thum ompaajim anaabá. Mag amach numiim khʉʉn jua aawai bʉ̃ʉrjã irua nem wauba arr chan chukhum. Ichdeuta maach akhaarjã iiupi aaujem. Maagwai i gaaimuata ararag bʉʉg oo nʉmjo maadeu khaphʉ nʉm, jãga sĩerrʉ́ ich Ẽwandam chi Aaijã, mag khaphʉ apieg ich chi Iewaata thumaam khʉʉn athee õtdau paa dʉnʉmjo sĩewai.

Mag ichig jeeuchetarr khʉʉn dʉi iyʉʉ sĩerr noram Juanau oowai, mag irua amag jaau sĩerr Jesuuta i aig ur nʉrrajim. Mag ich aig urum oo athaawai ich aig narr khʉʉnag, —Pãade oobat ajim: Ẽwandamau pʉitarr ar ur khitʉm. Jãguata corderodamjo ʉdʉraa ich thõopibarmua õor thumaam khʉʉn pekau chugpaa aujugui ajim.

Mag beewia mʉg durr ichdeu ompaatarr gaai sĩeichejim. Pari mʉg durr gaai jooba nʉm khʉʉnau i khaug auba, sĩi parhoobam khʉʉnpii ajierram. Ich durr gaai beetarrta, mag amach ee pierrumjã õrau i igbajierram.

Magtarr aawaita chadcha mag irua jaaujerr woun i ẽudee beebajieb, Ẽwandam Iewaa. Ichdeuta ich gaaimuapai thumaam khʉʉnag Ẽwandam jãga sĩerrʉ́ a khap apiejem.

Ẽwandamau Moiseeg ley phãpiewai sĩi jãga wenʉrraju aai nʉ a khap amkhĩirpai phãpijim. Pari jũrr Ẽwandamau ich Iewaa Jesucristo päaiwai, ichta ich Chaai chaar aawai, warre ich gaaimuata i jãga chitʉ́ a khaphʉnaa ĩchab maach ichdeu khõsi simjã khap amkhĩirta pʉijim.