मती 24இலிருந்து பிரபலமான வேதாகம வசனங்கள்

பகிர்

“जते-तते पाप बढलाके कारन लोकसबके एक दोसरके परेममे फिका पैरजेतै। महज अन्‍ततक असथिर रहैबला बच्‍याल जेतै।

परमेस्‍वरके राजके यि सुसमाचार परचार सन्‍सार भैर करलजेतै, ताकि सब जातीके लोकसब सुनैके मौका पाबे, तकरबादे यि सन्‍सारके अन्‍त हेतै।

तुसब लराइ आ लराइके हल्‍लासब सुनबिही। महज उ समयमे तुसब नै घबराइहे, कथिलेत पहिने यि सब हेनाइ आबस्‍यक छै, महज अन्‍त तुरन्‍ते नै हेतौ।”

कथिलेत जातीके बिरोधमे जाती आ राजके बिरोधमे राज उठतै आ बहुतो ठामसबमे अकाल आ भुमकौन एतै। यीसब त कस्‍टके सुरुवात मातरे चियै।

स्‍वरग आ पिरथिबी बित जेतै, महज हमर बचन रहबे करतै।

बहुतो लोकसब हमर नाममे एतौ आ कहतौ कि, ‘हम्‍ही खिरिस्‍ट चियै’ आ बहुतोके बहकेतौ।

“तब लोकसब तोरासबके पकैरके दुख दैकेलेल लजेतौ, तोरासबके मारतौ। तुसब हमरा बिस्‍बास करैके कारन सब जातीसब तोरासबके दुस्‍तौ। “ओइ बखत बहुतो लोक आपन बिस्‍बास गुमाइतै। उ सब एक दोसरके धोखा देतै आ एक दोसरके घिरना करतै। बहुतो झुठा अगमबक्‍तासब एतै, उ बहुतो लोकके बहकेतै।

येसु ओइसबके जबाफ देल्‍कै, “होसियार रह कि तोरासबके कोइ नै भरमाबे।

तै खातिर तुहुसब तैयार रह, कथिलेत तुसब नै सोचलहा बखत मानबके बेटा एतौ।

“अहैलेल तुसब जागल रह, कथिलेकी तुसब नै जानैचिही कि तोरासबके परभु कोन दिन आइबजेतौ।

“महज उ संकटके दिन आ घरी कहिया एतै से ककरो नै थाहछै, नै स्‍वरगदुतसबके नै परमेस्‍वरके बेटाके, परमेस्‍वर पिता मातरे जानैछै।

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

नोआके दिनमे जेहेन भेल छेलै, हम मानबके बेटा आबैके दिनमे ओहिनङ हेतौ। जल परलय से पहिने नोआ जहाज भितर नै ढुकैतक लोकसब खाइछेलै, पियैछेलै, बियाहबारी करैछेलै। जब जल परलय आइबके ओकरासबके नै दहाबे लाग्‍लै तबतक ओइसबके थाहे नै भेलै। मानबके बेटा आबैके दिनमे ओहिनङे हेतै।