João 1இலிருந்து பிரபலமான வேதாகம வசனங்கள்

பகிர்

Askámaĩnõ yora anõ mekíki anõ akaya ivorasĩro, ãatõsevi ashõmtá, Yové Koĩni vake ato ayakekĩ.

Txitavíanamã, mai shoviti vevo, “Vana” atõ aká ivo ayase. Aa Vanaro yora ikítõ ikí Yové Koĩnĩ nióti. Aaivo Vanaro Yové Koĩserívi.

Aaivo amoro vakíchi naóya, askámaĩnõ aaivo vakíchinĩro nametĩpá.

Askái aaivo Vana yorakésho, nokenĩ niakei oyãtá. Aaro yora onis akayáse, anõpai vanaya akárvi. Ãwẽ Yové naó nõ oĩmtá, ãwẽ papana txiwásho. Aaro ãwẽ vake westíse.

Aaivo vanãsho katsése shoviti. Wetsamẽsho askái shoviti ikí yama. Awetima chinã ivo askásevi, anõse nioa. Aaivo awetima chinãro noke Yové Koĩ chinãmaiya, yora vakíchinĩ shokomaĩnõ amo oá keská.

Askávai shaváma vesokaĩki João Jesusnẽ chinãvarãa oĩinã askái. “Oaĩ, Yové Koĩni txivo mashté, anõ itima ivõ atõ imaĩnõ roa akatsaiya.

Aatiã atonĩ niomtá. Anõsho mai shavá shovitimẽkĩ, yorarasĩni onãma iyãtávo. Ãwẽ yorarasĩ chinãpakei ãwẽ oámẽkĩ veyamtávo.

Askámaĩnõ aatiã Jesus, amo koĩ, yora naóshokatsaya ivoro ma nokóya.

Esé vanaro Yové Koĩni Moisés eneshomaĩnõ ãatõ ato yosĩti. Askámaĩnõ onis ati chinã, anõpa ivo akáro Jesus Cristo, Yové Koĩni yonoa kakáyamẽsho oá.