Joan 15இலிருந்து பிரபலமான வேதாகம வசனங்கள்

பகிர்

Minä olen vinpu, tö olet oksad. Ken püžub minus i kenes minä püžun, tob äi ploduid. Minuta tö et voigoi tehta nimidä.

Püžugat minus, muga i minä püžun teiš. Ved՚ ei oks voi toda ploduid ičesazepäi, ku ei püžu pus, mugažo tö-ki, ku et püžugoi minus.

Ku tö püžut minus i minun sanad püžuba teiš, pakikat, midä tahtoit, i sat sen.

Et tö valičenugoi mindai, a minä valičin teid, i minun taht om se, miše tö läksižit i toižit ploduid, i teiden plodud ei kadoiži. Ku tö teget muga, ka Tat andab teile kaiken, midä pakičet hänel minun nimes.

Niken ei voi ozutada surembad armastust, kut antta hengen ičeze läheližiden täht.

Hän čapab minuspäi kaikuččen oksan, mitte ei to ploduid, no kaikuččen oksan, mitte tob ploduid, hän puhtastab liigahižiš barboišpäi, miše se toiži ploduid enamban ku ende.

Minun käsk om mugoine: armastagat toine tošt, muga kut minä olen armastanu teid.

Sil linneb korgenzoittud minun Tat arvos, ku tö tot äi ploduid i ozutat, miše olet minun openikad.

«Minä olen todesine vinpu, i minun Tat om vinpuiden ižand.

Ken ei püžu minus, om kuti kattenu oks, kudamb kuivab. Kuivad oksad keratas, tactas lämoihe i polttas.

Minä sanuin teile necen, miše teiš oliži minun ihastuz, i teiden ihastuz oliži täuz՚.

Ku elät minun käsköiden mödhe, ka püžut minun armastuses, muga kut minä-ki olen elänu minun Tatan käsköiden mödhe i püžun hänen armastuses.

Necen käskön minä teile andan: armastagat toine tošt.»

Ku tö oližit neciš miruspäi, ka se armastaiži teid kut ičhižid. No tö et olgoi neciš miruspäi, sikš ku minä olen teid valičenu miruspäi, i sikš se kandab vihan teiden päle.