LUCAS 15
15
Pangpangarig ti carnero ken iti dracma a napucaw.
1Ket immasidegda dagiti isu-amin #Mat. 18:17.nga agsingsingir ti buis ken dagiti managbasol nga agdengngeg kencuana.
2Ket #Luc. 19:7.agtantanabutob dagiti Fariseo ken dagiti escriba a cuncunada: Daytoy awatenna dagiti managbasol ket makipangan cadacuada.
3Ket isu insaona cadacuada daytoy a pangngarig, a cuncunana:
4Asino cadacayo, #Mat. 18:12-14.ti adda sangagasut a carnerona, #Eze. 34:6, 11, 12, 16.no mapucawna ti maysa cadacuada, dina panawan iti away dagiti siam a pulo ket siam ket apanna #Isa. 40:11. sapulen ti napucaw agingga ti masaracanna?
5Ket inton masaracannan icabilna a siraragsac cadagiti abagana.
6Ket inton agsubli iti balay, urnongenna dagiti gagayyemna ken cacaarubana, a cuncunana cadacuada: Makipagrag-ocay caniac, ta nasaracac ti carneroc a nupucaw.
7Cunac cadacayo, a casta met nga adaddanto ragsac sadi langit gapu iti maysa a managbasol nga agbabawi, ngem cadagiti siam a pulo ket siam a nasingpet a dida masapul ti panagbabawi.
8Wenno asino ti babai nga adda sangapulo a dracmana, no mapucawna ti maysa a #Maysa pirac nga agpateg ti nganngani tal-lo pulo ket dua a centavos.dracma, di manggangat ti pagsilawan ket sagadanna ti balay, ket sapulenna a sireregta agingat iti masaracanna?
9Ket inton mabirucanna, urnongenna dagiti ingngana ken cacaarubana, a cuncunana: Makipagragsaccay caniac, ta nasaracac ti dracma a napucawco.
10Casta met ti cunac cadacayo nga addanto ragsac iti sangoanan #Sant. 4:8.dagiti angel ti Dios gapu iti maysa a managbasol nga agbabawi.
Pangngarig iti anac a mayaoawan.
11Ket kinunana: Maysa a tao addaan ti dua nga anacna a lalaki:
12Ket ti inaudi kinunana ken amana: Ama, itedmo caniac ti #Deut. 21:17.paset dagiti cucuam a panacabagic. Ket biningayna cadacuada ti cucuana.
13Ket idi napalabas, ti sumagmamano nga aldaw ti inaudi nga anac inurnongna amin ket napan iti maysa a daga nga adayu; ket idiay dinadaelna ti cucuana a nagbiag a nagdacdakes.
14Ket idi nagastona aminen, napasamac idiay a daga ti dackel a bisin, ket isu nangrugi a nagsagaba ti kirang.
15Ket napan ket immasideg iti maysa cadagiti umili ti daydi a daga, ket isu imbaon daydi cadagiti taltalonna tapno agtaraken cadagiti babuy.
16Ket isu tartarigagayanna ti agbusog cadagiti algarrobas a canen dagiti babuy: ket awan ti nangted kencuana.
17Ngem idi a nagpanunot, kinunana: Nagadu dagiti mangmangged idiay balay ni amac nga agsobsobraanda iti taraon ket siac addaac ditoy a matmatay iti bisin!
18Tumacderacto ket innacto ken ama ket cunaecto kencuana: Ama, nacabasolac iti maicaniwas iti langit ken iti sangoanam.
19Diac maicarin a managan ti anacmo; icabilnac a cas maysa cadagiti mangmangged kenca.
20Ket timacder ket napan ken amana. Ngem idi adayu pay laeng nakita ni Amana ket simnec ti caasina ket #Mat. 18:10.timmaray ket inappungolanna ti tengngedna, ket inagagcanna.
21Ket di anac kinunana kencuana: Ama, nacabasolac iti maicaniwas iti langit #Sal. 51:4.ken iti sangoanam; diac maicarin a managan ti anacmo.
22Ngem ni amana kinunana cadagiti adipenna: Alaenyo iti madaras #Zac. 3:4.ti capatgan a pagan-anay ket cawesanyo, ket icabilyo ti maysa a singsing iti imana, ken zapatos cadagiti sacana;
23Ket iyegyo ti vaca a napalucmeg ket partienyo; ket mangantayo ket agraragsactayo.
24Ta #Efe. 2:1, 5; 5:14. Col. 2:14. Apoc. 3:1.daytoy anacco natay ket nagungar; napucaw, ket nasaracan. Ket nangrugida a nagrarambac.
25Ngem di anacna nga inauna adda idi iti talon; ket isu idi sumangpet ken immasideg iti balay, nangngegna ti nasam-it a toctocar ken dagiti salsala.
26Ket idi nga inayabanna ti maysa cadagiti ubbingda, inintuudna kencuana no ania daydi.
27Ket isu kinunana kencuana: Ni cabsatmo dimteng; ket ni amam pinapartina ti napalucmeg a vaca agsipud ta inawatna a nacaradcad.
28Ngem naglucsaw ket dina kinayat ti simrec. Ket rimmuar ni amana, ket inayayona.
29Ngem isu simmungbat ket kinunana ken amana: Adtoy, iti adun a tawen a panagserservic kenca uray caano diac kinaniwas ti bilinmo, ket uray caano dinac iniccan ti bassit a calding, tapno makipagragsacac cadagiti gagayyemco:
30Ngem apaman a simmangpet daytoy anacmo, nga inibusna ti cucuam cadagiti balangcantis, impartiam ti vaca a napalucmeg.
31Ket isu kinunana kencuana: Anac, #Juan 8:35.sica addaca nga agnanayon caniac, ket amin dagiti gamengco cucuam ida.
32Ngem masapul ti panagrambac ken panagayayat, ta daytoy cabsatmo natay ket nagungar; ken napucaw, ket nasaracan.
தற்சமயம் தேர்ந்தெடுக்கப்பட்டது:
LUCAS 15: TB1973
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Ti Biblia © 1973 Philippine Bible Society