LUCAS 16
16
Pangngarig a maipapan iti mayordomo a di mapagtalcan.
1Ket kinunana met cadagiti adalanna: Adda idi maysa a tao a nabacnang, nga adda #Luc. 12:42. 1 Cor. 4:2.maysa a mayordomona; ket daytoy impulongda kencuana, nga agdadael cadagiti cucuana.
2Ket isu inayabanna ket kinunana kencuana: Ania daytoy a nadamagco a maipapan kenca? Idatagmo ti panagaywanmo, ta dicanto mabalinen ti agmayordomo.
3Ket di mayordomo kinunana iti nakemna: Anianto ti aramidec? ta ni apoc iccatennac a mayordomo, Agcali, diac mabalin; makilimos, cabainco.
4Ammoc ti aramidecto, tapno inton maiccatac iti kinamayordomo, awatendacto cadagiti balbalayda.
5Ket idinto nga inayabanna a sinaggaysa dagiti nacautang ken apona, kinunana iti immuna: Mano ti utangmo ken apoc?
6Ket isu kinunana: Sangagasut a burnay ti lana. Ket kinunana kencuana: Alaem cadi ti escrituram, ket agtugawca daras ket isuratmo ti limapulo.
7Iti calpasanna, kinunana iti sabali: Ket sica, mano ti utangmo? Ket kinunana: Sangagasut a cavan ti trigo. Ket kinunana kencuana? Alaem cadi ti escrituram ket isuratmo ti walopulo.
8Ket dinayaw di apo daydi mayordomo a di mapagtalcan, agsipud ta nagaramid a nainsiriban, ta #Luc. 10:6.dagiti annac daytoy a lubong, nasirsiribda cadagiti caputotanda ngem #Juan 12:36. Efe. 5:8. 1 Tes. 4:5.cadagiti annac ti silaw.
9Ket siac cunac cadacayo: #Mat. 18:21. Luc. 11:41; 12:33.Pakigayyemyo dagiti kinabacnang a saan a pudno, tapno inton maibusen #bil. 4.awatendacayto cadagiti abong-abong nga agnanayon.
10Ti mapagtalcan #Mat. 25:21. Luc. 19:21.iti bassit unay, mapagtalcan met iti adu; ket ti nakil-lo iti bassit unay nakil-lo met iti adu.
11No ngarud no cadagiti kinabacnang a saan a pudno dicayo napagtalcan, asinonto ti mangitalec cadacayo cadagiti napudno?
12Ket no iti cucua ti sabali dicay napagtalcan, asinonto ti mangted cadacayo iti cucuayo?
13Awan ti #Mat. 6:24.adipen a macabalin nga agservi iti dua nga apo: ta wenno guraennanto ti maysa ket ayatennanto ti sabali, wenno makidecketto iti maysa ket laisennanto ti sabali. Dicay mabalin ti agservi iti Dios ken cadagiti kinabacnang.
Ti pannacabalin ti linteg.
14Ket dagiti Fariseo, nga #Mat. 23:34. Luc. 11:41.naagum idi nangngegda amin dagitoy a banbanag, inuy-uyunganda.
15Ket kinunana cadacuada: Dacayo dagiti #Luc. 10:29; 18:9.mangidayaw ti bagiyo met laeng iti sangoanan dagiti tao; ngem ti Dios ammona dagiti puspusoyo; ta ti natan-oc cadagiti tattao nacaap-aprang iti imatang ti Dios.
16Ti linteg #Mat. 11:12, 13.ken dagiti mammadto agpatinggada ken Juan: nanipud idin ti evangelio ti pagarian ti Dios maipacaammo, ket #Luc. 15:1.tunggal maysa aggarasugas a sumrec kencuana.
17Ngem #Mat. 5:18.nalaclaca a mapucaw ti langit ken daga, ngem ti matnag ti maysa a tulnec ti linteg:
18Ti tunggal maysa a mangisina #Mat. 5:32.iti asawana a babai ket mangasawa ti sabali, macabasol iti pannakiabig iti dina asawa: ket ti mangasawa iti naisina a babai, macabasol iti pannakiabig iti dina asawa.
Pangngarig iti tao a nabacnang ken ni napanglaw a Lazaro.
19Adda idi maysa a tao a nabacnang ket nagpagpagananay ti purpura ken lupot a napateg, ket mangan a sibubuslon iti inaldaw:
20Ket maysa nga agpalpalama a managan Lazaro, a napno cadagiti derder adda idi a nagsadag iti ruanganna.
21Ket tartarigagayanna ti mabussog cadagiti murcat nga agtinnag iti panganan di bacnang ngem awan ti nangted kencuana: ket dagiti aso umayda ket dildilanda ti derderna.
22Ket naaramid a daydi agpalpalama natay ket impan #Heb. 1:14.dagiti angel iti #Juan 1:18.saclot ni Abraham: ket natay met di bacnang ket naitanem.
23Ket idi adda a matutuoc idiay Hades intangadna dagiti matana ket nakitana ni Abraham iti adayu, ken ni Lazaro iti saclotna.
24Ket isu nagickis, ket kinunana: #Mat. 3:9.Ama Abraham, caasianac, ket ibaonmo ni Lazaro, ta babasaenna coma ti ngudo ti ramayna iti danum, ket palamiisanna toy dilac; ta addaac a #Isa. 66:24. Mat. 25:41. Mar. 9:43, 44.matuocan iti daytoy a darang.
25Ngem kinuna kencuana ni Abraham: Anac, #Luc. 6:24.laglagipem nga inawatmon dagiti nam-aymo idi panagbiagmo, ket ni Lazaro casta met inawatna dagiti rigat; ngem ita isu malioliwa ditoy, ket sica matutuocca.
26Ket mainayon pay cadagitoy adda nagbabaetantayo a maysa a dackel a yuyeng, iti casta dagiti agtarigagay ditoy nga umal-latiw cadacayo, saanda a mabalin, casta met manipud dita dicay macaal-latiw ditoy,
27Ket kinunana: Dawatec ngarud kenca, ama, nga ibaonmo coma iti balay ni amac:
28Ta adda lima a cacabsatco; tapno #D. Ara. 2:40.ipanecnecna cadacuada, di la ket ta umayda met ditoy yan ti tooc.
29Ngem ni Abraham kinunana: Adda cadacuada #Juan 5:39, 45. D. Ara. 15:21.ni Moises ken dagiti mammadto: denggenda coma ida.
30Ket isu kinunana: Saan ama Abraham: ngem no mapan coma cadacuada ti maysa nga aggapu cadagiti natay, agbabawidanto.
31Ngem kinunana kencuana: #Juan 5:47.No dida denggen ni Moises ken dagiti mammadto, #Mat. 28:11-15. Juan 11:46-48; 12:10, 11.didanto met mamati no adda maysa nga agungar cadagiti natay.
தற்சமயம் தேர்ந்தெடுக்கப்பட்டது:
LUCAS 16: TB1973
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
Ti Biblia © 1973 Philippine Bible Society