Lŭka 12

Pharizè̆pho Agimi

(Mattĕo 10.26,27)

1B́ĕ bija aboahò òèòcara ladēplo lōwa pwĕ acab́ô̆ zè khè̆htajāhtab́è lōwa nu, Jezŭ d́ò̆sa ŭsugè Zo bōhmubicè tòcò, “Woikèibò̄ thĭ ne Pharizè̆pho agimi htè amè brasa dè nu. 2Dè ò b́ò̆b́i lŏcăcè gā htabohtarôkò̆, kî dèhudèzò htè atè b́è thîhè̆ ńò, kò tò òkò̆ dimĭ ńò ńò. 3Gajă thĭ d́òdè dèkhiklè̆ tòcò nu kè̄ b́è dèthîhè̆kò̆ d́ŏ lumusèkhè̆ dèhlî̆klè̆, kî dèjî̄b́è thĭ d́ò gôjô̄thwè d́ŏ hid́obu nu kè̄ b́è kèwohtaikò̆ d́ŏ hikhotòcò̆ nu,” Cò d́ògè lōwa d́o.

Wi Scisăb́è Bò̄bwè?

(Mattĕo 10.28-31)

4“Jò d́ò̆sa thĭ, Jò thò tòcò; bija amèthĭ gî̄ neb́î̆cè barasă adèmè za ahlò̆mò̄ dimĭ ńò tòcò nu, scisănibò̄ ḿè ze le ḿè. 5Jè kè d́è̆lî̄ thĭ bija amòscisă ḿî bò̄bwè nu. Scisăbò̄ bija htè dèthĭ hwă alekă nu, acô̆thèlè̆ ò ahtîladēnī za Larrā abu Kib́ĭcè dèbwè nu dòkhò̆. Hmahŏ, Jò d́ò̆sa thĭ, scisănibò̄ Ze le.

6“Bija sè̆a htŏphomo jè̄b́è kî krelî gīb́e lò tè b́è ńò ā? Barasă Kib́ĭcè ahlò̆mò̄ nu atè b́è sòthô̆bô̄hnè tèpwè tè B́è ńò. 7Kî khulŭ aò d́ò̆ thĭ kolò nu b́è d́ôtca tèpwè gŏ abò̆ lò. Scisăbò̄ ḿè, manè̄ d́ō thĭ līdobwîthè̆ d́olĭ kî htŏphomo òèòò nu!”

Dèŏlă Krĭstu

(Mattĕo 10.32,33; 12.32; 10.19,20)

8“Kîd́ò̆ Jò d́ò̆sa thĭ; gajă bija aŏlăphlala Jè d́ŏ bija tòcò ahlò̆mò̄ dèbwè nu, Bija Apho ko ŏlăphlalakò̆ cè d́ŏ Kib́ĭcè Abwèzo tòcò ahlò̆mò̄ nu. 9Barasă bija ajab́i Jè d́ŏ bija tòcò ahlò̆mò̄ dèbwè nu, Bija Apho gā jab́ikò̆ cè d́ŏ Kib́ĭcè Abwèzo tòcò ahlò̆mò̄ nu nu.

10“Bija agī jî̄b́è htad́ĕd́ò Bija Apho dèbwè kèb́è b́ăplè tèpwè, barasă ahtèkè̆htèô Spirito Tcahtĭ dèbwè nu kè tè b́è b́ăplè tèpwè ńò.

11“Kîd́ò̆ b́ĕ bija tòcò gē lei thĭ d́ŏ Sinagŏgā kî acirradè tòcò ahlò̆mò̄ nu, thĭ gō wolaib́è thĭ ne cadè̄, thĭ kò d́òb́è danè̄ nu b́èhjŏbò̄ ḿè. 12Manè̄ d́o, b́ĕ akhînare nu thĭ mò d́ò danè̄ nu Spirito Tcahtĭ gè̄ thèkò̆ thĭ,” Cò d́ò lōwa tòcò d́o.

Dègèlè Ab́èkja Aniò̆jòa Agudu Dèbwè

13D́ŏ bija aboklè̆ dèbwè d́ògè, “Sara, d́ò̆sabò̄ jè thè̆buwe agē belani jè mo pa adèila,” cò d́ògè Jezŭ d́o.

14Jezŭ d́ògè cè, “Ŏ bija, bò̄bwè ilagè jè agī cirraphameidè thĭ kho bwè?” Cò d́ò lōwa d́o. 15Kî Cò d́ògè bija tòcò, “Wolaibò̄ thĭ ne ab́èkja dèthaèni lôkhlolôb́a gŏmomo, manè̄ d́ō, bija dèbwè gī niò̆jòa nòthò̆ pwedè̄ hwahwă, zè dèò hnèhnè nu di ḿî zî dî̄ zè dè òèòcara abu ńò.”

16Kîd́ò̆ Cò d́ò̆sagè bija dègèlè dèdè̆ gōjo, “Bija aniò̆jòa dèbwè alākhodoklè̆ phò̆htathèhta òèòògè. 17Kî zo gomo dè ca thabu kî cò d́ò; jè gè̄ mèb́ègè cadè̄? Manè̄, jò kò tòla ju b́u ju hŭ alleaklè tò ò be ńò nī! 18Jè gè̄ mè gōjo dòkhò̆; ja gā phrakè̆ hwă b́uphă d́ō ja ka pra athè̆ adolĭ ajo dèmè̆ kî d́ŏ abu nu jò kò tònī b́u kî b́è̆nīlŏkò̆ dèhtò̆dèla alewe tòcò nu. 19Kî jò kò d́òkò̆ ja tha, Ŏ Tha, ni nikhĭ dè ò pulacò̆hta alekholekă ad́eahlè̆ pwĕdimi anikhĭ. Ò sò̆dūsòd́è̆, aò̆ kî mèmòi d́ò̆è ne ne,” cò d́òlagegè ze ne d́o. 20Barasă Kib́ĭcè d́ògè cè, “Nè bija agudu dèbwè, khŏdènè dè gā dagekò̆ na tha; kî dè htè nè mèla ni nikhĭ tòcò nu gī ḿîkò̆ bò̄bwè anikhĭ bwè?” Cò d́ògè lōwa d́o.

21“Gōnu akhò̆ bija apulacò̆hta hwă ŭcalèkhjă anikhĭ lò, ab́èkja Kib́ĭcè nu adèjèdā ńò tòcò gî̄ ḿîkò̆ gōnu lò,” Jezŭ d́ògè bija tòcò do.

Dèb́u Kib́ĭcè

(Mattĕo 6.25-34)

22Mèhwă d́ō Jezŭ d́ògè Zo bōhmubicè tòcò, “Mègōnu d́ō Jò d́ò̆sa thĭ, gogè̄bò̄ ḿè thĭ dèò anikhĭ ḿè, thĭ gā ab́è danè̄ kî thĭ neb́î̆cè anikhĭ thĭ gô̄ kô̆ gò̄ thò b́è danè̄ nu ḿè. 23Dèòthôḿô̆ ḿî ajwīamo d́olĭ kî dèa, kî neb́î̆cè ḿî ajwīamo d́olĭ kî dèkô̆dèthò. 24Tcabò̄ caẃă tòcò; ado so dè kè ńò, agòlò b́uphă tò ò ńò. Barasă Kib́ĭcè ia iò̆ cè tòcò. Ḿî thĭ līdobwîthè̆ d́olĭ cè azî̄azô̄! 25Bò̄bwè b́èhjŏb́èma mè htô̆hta kèhta ane ad́eahlè̆ dèbwèbwè? 26Mègōnu thĭ dè mèkèhta b́eḿĕ dè tîkîpho lò ńò atherĕ, thĭ thogothagèi ma dè alewesòsŭ nè? 27Tcatcabò̄ lĭliphò̆ tòcò kèhta cadè̄? Adè mèdè ńò, ato b́o hta ńò ńò. Barasă Jò d́ò̆sa thĭ, Saphra Sòlòmòn hnò̆nu, d́ŏ zò dò ze the aklè̆ cô tô kô̆ tò thò kèhta mè acab́ô̆ phò̆ anu tòcò ńò. 28Ŏ bija adèb́u tîkîpho tòcò! Kib́ĭcè gā rawîramò ma mihnè ahtuhtaphò̆hta khŏdini kî ab́èscwihtakè̆ hmî abòbu mòbĕ dini tòcò pwĕ gōnu d́ō, d́okhlŏ thĭ nu Zè dè mènid́ò̆bò̄ thĭ ńò ā?

29“Wāhlèbò̄ ḿè thĭ ka ab́è danè̄, thĭ kò ò̆b́è danè̄ nu ḿè. B́èhjŏb́èmabò̄ ḿè ḿè. 30Manè̄ d́ō, atu b́u Kib́ĭcè ńò tòcò wāhlè tèpwè dè ajo tòcò jo. Kîd́ò̆ thĭ Pa thîhè̆ tèpwè htè thĭ loba dè ajo tòcò nu. 31Ḿî wāhlèbò̄ Kib́ĭcè Ahtĭage, kî dè alewe ajo tòcò kè̄ b́è ilanikò̆ thĭ.”

Dèlīdobwîthè̆ d́ŏ Mò̄kho

(Mattĕo 6.19-21)

32“Scisăbò̄ ḿè, Ŏ thŏ atîkîpho dòhmò, manè̄ thĭ Pa thaè ilanigè thĭ Mò̄kho Ahtĭage. 33Sè̆lăkè̆ lŏ thĭ dî̄ thĭ dè kî ila bija assègnè̆pho tòcò nu. Mèbò̄ thĭ nikhĭ hô̆gôdô htè adilidèhwè̆ za ńò, dèlīdobwîthè̆ adolōza ńò d́ŏ Mò̄kho nu, d́ŏnu htè a ahudè de leb́ôhtî za ńò kî phè̆pu ta aza ńò nu. 34Manè̄ d́ō, d́ŏ thĭ dèlīdobwîthè̆ ò alle nu thĭ tha ḿî ḿî kò òkò̆ b́ĕnu nu.

Zôpho Atcai Hi

35“Cŏglobò̄ thĭ jadē kî òibò̄ hmîŭd́ŏ agè̄hta, 36kî mîbò̄ bija acab́ô̆ aòsô̆wô̄i ab́icè ale pwè̆bu dèbwè gō doge akhò̆ nu; cab́ô̆htè b́ĕ ze ge kî tòklògè khaglè̄ akhî nu ca ka b́ăhtanibò̄ lōwa taplakhă lò nu. 37Athaganāi b́è ḿî zôpho htè b́ĕ cè tòcò ab́icè doge d́ō pahtî lōwa ò dòlò tèpwè tòcò nu! Jò d́ò̆sa thĭ, ci B́ĭcè gō cŏglo hwă ajadē dō, za gā hna sańă lōwa tòcò kî co ko b́oab́oò̆kò̆ lōwa. 38Athaganāi b́è ḿî bija htè ze le kèhtî lōwa ò dôi dòlò, b́ĕ klămè̆lumu akhî ḿîwî, dèhlî̆bobĭboba akhî ḿîwî tòcò nu. 39Barasă hmăibò̄, b́eḿĕ hib́icè gi thîhè̆ ma a ahumèkè̆dè gē le akhînare nu d́ō, zô gô̄ dôi hmahma tèpwè, kî zi gī ti i tèpwè lōwa ka b́aphlò̆ni zi hi ńò. 40Thĭ ḿî ḿî thĭ kè̄ b́è ò dòlò, manè̄ d́ō b́ĕ thĭ do gomo ńò akhî nu khaĺè, Bija Apho gē lekò̆,” Cò d́ò lōwa tòcò do.

Zôpho Adî̄ahma kî Adîdî̄dahma ńò

(Mattĕo 24.45-51)

41Kî Petru d́ògè Cè, “B́ĭcè, ńò d́ò̆sa dègèlè ajo ḿî wi nikhĭ lò ā? Ḿî lŏcăcè anikhĭ ā?” Cè d́è̆gè lōwa do.

42Kî B́ĭcè d́ò, “Thĭ gomo cadè̄? Zôpho adî̄ahma, ablî̄abla gî̄ ḿîkò̆ bò̄bwè? Cî b́icè gè lè̄la cè dèmèpho akho aki ilani hibuphăbupho tòcò dèadèò̆ b́ĕ akhî kî akhî nu. 43Zôpho htè b́ĕ ci b́icè gedo kî tcahtî zè mè pĕhtazòhta zè dè mè nu dèbwè kò òmòòma b́èkò̆ 44Jò d́ò̆sa thĭ adî̄ahma, zè gè̄ lè̄lakò̆ lōwa d́ŏ zî dî̄ zè dèlŏcăcè akho nu. 45Barasă zôpho anu dèbwè kò d́ò ma d́ŏ za thabu, ‘Jî b́icè gē ge thad́òkò̆,’ mèhwă ze gē de gō bo zôpho, zômo alewe tòcò, kî aò̆ hmupò ma d́ō, 46cî b́icè gō dogehtîkò̆ cè b́ĕ munimuthè̆ zo do gomo ńò, kî akhînare kî akhînare htè cî dî thîhè̆ ńò nu. Kî ca gā klăhtè̆dū îklôîklèkò̆ lōwa, kî b́è̆plokò̆ cè d́ŏ bija atò òhmeòglo ńò tòcò nu.

47“Ḿî zôpho htè athîhè̆ ab́icè adèthaèni, kî ada pradòlò ane zi nikhĭ ńò kî adèmèkô zè dèthaèni akă ńò dèbwè nu kè b́èmūb́èhtakò̆ pwĕdimi. 48Ḿî cè htè adî thîhè̆gè ńò kî amènigè dè amò tani hnèmūhnèhta dèbwè nu kè b́èmūb́èhtakò̆ tîkî lò. Bija htè dèilani do dèbwè nu, kè̄ b́è ilage do b́èkò̆, kî bija htè dèilani òèòò dèbwè nu, dè gā dage òèòòkò̆ cè.”

Jezŭ Adèmèlamulapha

(Mattĕo 10.34-36)

49“Jè dèlela ḿî cab́ô̆htè Ji gī scwigè̄hò lākho jo, kî Jè dèthaèni ḿî hmî b́è b́ô̆gèhta hnè htŏ. 50Barasă Jò mò kha dèŭsab́ăhtĭ òwe dèdè̆ be; kî adî phî̆htarāhta hnî̆ńò athŭtherĕ Jo thogothagè̄ we tèpwè. 51Thĭ gomo ḿî Ja gā lai dèjīdèd́wă d́ŏ lākho jo ā? Ńò! Jò dò̆sa thĭ ḿî dèlamulapha dòkhò̆. 52Manè̄ d́o khŏnujo phlò̆ ahlò̆mò̄ d́ŏ hi dawa abu lò nu bija jè̄bwè kè̄ b́è bēphakò̆ thŏbwè dòkhò̆ kî gībwè dòkhò̆; 53apho kî apa azo, aphohmu kî amo azo; amubwē kî ad́è azo,” Jezŭ d́ò do.

Dèthîhè̆ Asŏakhè̆

(Mattĕo 16.2,3)

54Jezŭ d́ògè bija aboahò gōjo, “B́ĕ thĭ tcahtî dè̄tob́o hta d́ŏ lumula dòkhò̆ d́ō, taplakhă lò thĭ d́ò, ‘Hwè gū zu gè,’ d́ō aḿî tèpwè gōnu. 55Kîd́ò̆ b́ĕ thĭ tcahtî Gīlli dobō hta d́ŏ lò̄htè dòkhò̆ d́ō thĭ d́ò, ‘Dè gō gorôô̆,’ d́ō aḿî tèpwè gōnu nu. 56Thĭ bwè tòpòkho tòcò, thĭ cirraphame za tèpwè Mò̄kholè̄ kî lākho amūkă; barasă thĭ ti cirraphame za ma akhîagla khŏnujo ńò nè?”

Dèmèthòge

(Mattĕo 5.25,26)

57“Thĭ thè̆ne alò hnò̆nu thĭ da tcadòlò b́è ma ńò nè? 58B́ĕ nè kî amè nè dèhmŭ dèbwè hèplo lōwa klè agē le d́ŏ mādo ahlò̆mò̄ akhî nu, lagla thèèbò̄ lōwa. Dî ḿî ńò d́ō, ci ki ila nè d́ŏ acirradè dèbwè acukhòbu, kî acirradè dèbwè kî ila nè klĭpho acukhòbu kî co ko d́oglokò̆ nè dèkî̆dî̄ abu. 59Ńò kò òb́è b́ĕnu htô̆ na gā săge hwă lŏ ne cwĕ htô̆ kreb́ă tèb́è nu jò d́ò thĭ d́o,” Jezŭ d́ògè cè tòcò do.

தற்சமயம் தேர்ந்தெடுக்கப்பட்டது:

Lŭka 12: GRNT21

சிறப்புக்கூறு

பகிர்

நகல்

உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்

Geba Roman New Testament பற்றி மேலும் அறிக

Lŭka 12

Lŭka 12
இலிருந்து பிரபலமான வேதாகம வசனங்கள்

வேதாகமம்:

Karen, Geba

பதிப்பு: Geba Roman New Testament - GRNT21

Lŭka 12

Lŭka 12

Lŭka 12இலிருந்து பிரபலமான வேதாகம வசனங்கள்

வேதாகமம்:

Karen, Geba

பதிப்பு: Geba Roman New Testament - GRNT21

Lŭka 12

Lŭka 12
இலிருந்து பிரபலமான வேதாகம வசனங்கள்