1 Mose 35
35
Yakobi wuyenda ku Beteli
1Landila dio, Nzambi wukamba Yakobi: «Telama! Kuma ku Beteli ayi kala kuna. Tunga kuna diziku mu diambu di Nzambi niowo wumonikina mu thangu wubatina va ntuala Esawu, khomba aku.»
2Buna Yakobi wukamba basi nzo andi ayi babo baba yandi: «Botuleno zinzambi zinzenza zidi va khati ka beno. Lukivedisa ayi viakisanu minyunga mieno. 3Ayi bika tutelama ayi bika tukuma ku Beteli ayi kuna mandi tunga diziku mu diambu di Nzambi niowo wuphutudidi mu lumbu ki phasi ziami ayi wubedi nami mu nzila mu thangu ndiyenda.»
4Bavana kudi Yakobi zinzambi zizio zinzenza ziba yawu mu mioko miawu ayi minlunga#35.4 Minlunga evo bilunga bi makutu biba bidimbu bibatu bansambilanga. miba yawu mu matu, Yakobi wuzika bio ku tsi nti Telebinta wuba fika fika ayi Sikemi. 5Landila dio, bayenda ayi wonga wu Nzambi wubua mu zimbanza zi kinzungidila diawu kuisi ba ko mutu wulandakana bana babakala ba Yakobi.
6Ku zimunina Yakobi wutula ku Luzi yidi ku tsi yi kanana dibangudulu Beteli, niandi ayi batu babo baba yandi. 7Buna wutedimisa vana diziku ayi wutedila fulu beni: «“El-Beteli”», bila vana Nzambi kakimonikisa kudi niandi mu thangu keba tina khomba andi.
8Ku manima, Debola, ndezi Lebeka wufua ayi wuziku ku ndambu Beteli, va tsisi nti wunene wowo Yakobi katedila: «“Nti bidilu.”»
9Buna Nzambi wumonikina diaka Yakobi bu kavutuka ku ndimba Alami ayi wunsakumuna. 10Nzambi wunkamba: «Zina diaku diba Yakobi vayi balendi buekutedila ko mu zina di Yakobi. Tona buabu zina diaku dieka Isaeli#35.10 Tala 32.29..» Buna Nzambi wutona kuntedila mu zina di Isaeli. 11Nzambi wubuela kunkamba: «Ndidi Nzambi, Phungu Tulendo. Butana ayi nieka: Makanda ayi kimvuka ki makanda mabitotukila mu ngeyo ayi mintinu mami totukila mu luketo luaku. 12Mandikuvana tsi yindivana kudi Abalahami ayi Isaki ayi mandivana yawu kudi nkuna aku wunkuiza ku mbusa.»
13Buna Nzambi wutombuka va mbata zizi kiandi, tona va fulu kikamokana yandi. 14Buna Yakobi wutedimisa dikunzi di matadi va fulu kiokio basolula yandi, kunzi di matadi, yandi wudukula dio malavu ayi mafuta. 15Yakobi wutedila Beteli dibangudulu: «“nzo Nzambi”», fulu kiokio Nzambi kasoludila yandi#35.15 Tala 28.18-19..
Mbutukulu yi Benyamini ayi mfuilu wu Lakheli
16Yakobi ayi kanda diandi babotuka ku Beteli. Mua thatuki yiba tekila mu tula ku Efalata mu thangu Lakheli kabuta, mbutulu beni yiba yi phasi beni. 17Mu thangu keba buta mu phasi, nketo wumbutisanga wunkamba : «Bika mona wonga, bila buedi buebaka muana wunkaka wu bakala.» 18Bu keka mana moyo, wuntedila Bene-Oni#35.18 Yakobi baludi zina dikambulu dimbote (Bene-Oni) mu zina di mboti (Benyamini), koko kulubakala kumonikanga banga kuawu kulutidi mboti tala Mkn 137.5, bobuawu phe ndambu lubakala (Mkn 110.5 tala Mat 25.34). , dibangudulu: «“Muana bakala wu bidilu”», vayi se diandi wumvana zina Benyamini. Dibangudulu: «Muana wu “koko kulubakala.”» 19Lakheli wufua ayi wuziku mu nzila Efalata, dibangudulu Betelemi. 20Yakobi wutedimisa ditadi va biziami biandi: nate buabu bantedilanga dio: «“Tadi di biziami bi Lakheli.”»
Lubeni vengi mambi vantuala se diandi
21Landila dio, Isaeli wuyenda ayi wutedimisa nzo andi yi ngoto ku ndambu yi nkaka yi Mingidali- Edeli. 22Tala mabua mu thangu Isaeli ka kala mu ndambu tsi beni, khumbu mosi, Lubeni wuyenda leka ayi Bila, nketo wunkaka wu se diandi, ayi Isaeli wuwa diawu.
Buna bana ba Yakobi baba thalu yi kumi na zole: 23Bana ba babakala bambutila Leya bawu baba: Muana wuthete wu Yakobi, Lubeni, landakana Simeoni, Levi, Yuda, Isakali ayi zabuloni. 24Bana ba babakala bambutila Lakheli bawu baba: Yosefi ayi Benyamini. 25Bana ba babakala bambutila Bila, sielo ki nketo ki Lakheli bawu baba: Dani ayi Nefatali. 26Bana bababakala bambutila Zilipa, sielo ki nketo ki Leya bawu baba: Ngadi ayi Aseli. Bawu bobo bana ba babakala ba Yakobi babutukila mu ndimba Alami.
Mfuilu wu Isaki
27Buna Yakobi wutula kudi se diandi Isaki, ku Mamele ma Kiliati-Alaba, dibangudulu Hebeloni#35.27 Tala 35.27., ku tuama zingila Abalahami ayi Isaki. 28Lumbu bi Isaki biba khama mosi lunana lu mimvu. 29Buna Isaki wuzenga vumunu ayi wufua, wubundana ayi bakulu bandi, wukala kinunu ayi wuyukuta bilumbu. Bana bandi ba babakala Esawu ayi Yakobi banzika.
தற்சமயம் தேர்ந்தெடுக்கப்பட்டது:
1 Mose 35: YOM-CD
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©2024 Seed Company in coordination with Forum Communautaire des Traducteurs de la Bible et Alphabétisation