1 Mose 36
36
Esawu mu tsi Edomi
1Tala kikhulu ki Esawu wubantedilanga Edomi. 2Esawu wubonga baketo bandi mu khati ka bana bandumba ba kanana: Ada, muana nketo wu Eloni muisi Heti ayi Oholibama, muana nketo wu Ana, ayi ntekolo wu Sibeoni, muisi Hivi 3ayi Basimati, muana nketo wu Isamayeli, ayi busi ki Nebayoti. 4Buna Ada wubutila Esawu Elifazi ayi Basimati wumbutila Lewuyeli, 5ayi Oholibama wumbutila Yeusi, Yalami ayi Kola. Bobo bana ba babakala ba Esawu bambutukila ku tsi Kanana.
6Landila diodio, Esawu wubonga baketo bandi, bana bandi ba babakala ayi bana bandi ba baketo, ayi miela miamio mi nzo andi, dikamba diandi ayi bibulu biandi binkaka, ayi kimvuama kiandi kiakio, kiokio kabaka mu tsi kanana, ayi wuyenda mu tsi, thama ayi Yakobi, khomba andi yi bakala. 7Bila bima biawu biyizaba biwombo muingi bakala va kimosi, ayi tsi yibabakalanga mu ntoto wu kinzenza yilendi ku bazingisa ko mu diambu di makamba mawu. 8Esawu wutungila ku ndambu miongo mi Seyili: Esawu niandi Edomi.
Kanda di Esawu
9Wawu nsamu Esawu, se di Edomi, mu ndambu tsi miongo mi Seyili 10Tala mazina ma bana ba bakala ba Esawu: Elifazi, muana bakala wu Ada, nketo Esawu ayi Leweli, muana bakala wu Basimati, nketo wu Esawu.
11Bana ba bababakala ba Elifazi baba: Temani, Omali, Sefo, Ngatami, ayi Kenazi. 12Timina, wuyiza ba nketo wunkaka wu Elifazi, muana bakala wu Esawu, kulanda Timina wubutila Elifazi Amaleki. Bawu bobo bana ba babakala ba Ada, nkazi Esawu. 13Tala bana ba babakala ba Lewueli : Nahati, Zela, Sama, ayi Miza. Bana baba bana ba babakala ba Basimati, nkazi Esawu. 14Ayi baba bana ba babakala ba Oholibama, muana wu nketo wu Ana, ayi ntekolo Sibeoni, nkazi Esawu bila wubutila Esawu Yawusi, Yalami, ayi Kola. 15Tala ba mfumu zi makanda ma bana ba babakala ba Esawu: bana ba babakala ba Elifazi, muana wubakala wuthete wu Esawu: Mfumu Temani, mfumu Omali, mfumu Sefo, mfumu Kenazi, 16mfumu Kola, mfumu Ngaetami, mfumu Amaleki. Bawu babana bamfumu ba Elifasi mu tsi Edomi. Bawu babana bana ba babakala ba Ada. 17Tala bana ba babakala ba Lewueli, muana bakala wu Esawu: mfumu Nahati, mfumu Zela, mfumu Sama, mfumu Miza. Babana bamfumu zi Lewueli mu tsi Edomi. Bawu babana ba babakala ba Basimati, nkazi Esawu. 18Bosi tala bana ba babakala ba Oholibama, nkazi Esawu: mfumu Yewusi, mfumu Yaelami, mfumu Kola. Bawu babana ba mfumu zi Oholibama, muana nketo wu Ana, nkazi Esawu. 19Bawu babana bana ba babakala ba Esawu ayi bawu babana zimfumu ziawu. Wawu nkuna Edomi. 20Tala bana ba babakala ba Seyili, muisi Holiti, basi tsi: Lotani, Sobali, Sibeoni, Ana, 21Disoni, Etiseli, disani. Babana bamfumu zi Holiti, bana ba babakala ba Seyili, mu tsi Edomi. 22Ayi bana ba babakala ba Lotani baba Holi ayi Hemami ayi busi ki Lotani zina diandi diba Timina. 23Ayi tala bana ba babakala ba Sobali: Alavani, Manahati, Ebali, Sefo ayi Onami. 24Tala bana ba babakala ba Siboni: Aya ayi Ana. Kuna Ana kabakula mila minlangu mi mbazu mu tsi yikhatu, bu kabasunganga ziphunda zi se diandi Sibeoni. 25Tala bana ba Ana: Disoni ayi Oholibama, muana wunketo wu Ana. 26Tala bana ba babakala ba Disani: Hemidani, Esebami, Yitilani ayi Kelani. 27Tala bana ba babakala ba Etiseli: Bilehani, Zavani ayi Akani. 28Tala bana ba babakala ba Disani: Usi ayi Alani.
29Tala zimfumu zi holiti: mfumu Lotani, mfumu Sobali, mfumu Sibeoni, mfumu Ana.
30Mfumu Disoni, mfumu Etiseli, mfumu Disoni, mfumu Eseli, mfumu Disani. Babana zi mfumu zi holiti boso busiamusunu zimfumu ziawu mu tsi Seyili.
31Tala mintinu miyala mu tsi Edomi tekila ntinu kayadila bana ba Isaeli: 32Mu thangu Bela kafua, Yobabi, muana bakala wu Beoli, wuyala mu Edomi ayi zina di mbanza andi diba Dinaba. 33Mu thangu Bela kafua, Yobabi, muana wu bakala wu zela mu mbanza Bosila, wutona yala va fulu kiandi. 34Mu thangu Yobabi kafua, Husami, muisi tsi yi ba Temanita wutona yala va fulu kiandi. 35Mu thangu Husami kafua, Hadadi, muana bakala wu Bedadi, wubedisa ba Midiani mu ndimba Moabi wutona yala va fulu kiandi, ayi zina di mbanza andi diba Aviti. 36Mu thangu Hadadi kafua, Samila muisi Maseleka wutona yala va fulu kiandi. 37Mu thangu Samala kafua, Sawuli muisi Lehoboti ku ndambu nzadi wuyala va fulu kiandi. 38Mu thangu Sawuli kafua, Bali-hanani, muana bakala wu Akaboli, wuyala va fulu kiandi. 39Mu thangu Bali- Hanani, muana bakala wu Akaboli kafua, Hadali wutona yala va fulu kiandi ayi zina di mbanza andi diba Pawu, ayi zina di nkazi andi diba Mehetabeli, muana nketo wu Matelede, muana nketo wu Mezahabi.
40Tala mazina ma zimfumu zi Esawu, boso buididi makanda mawu, boso buididi bifulu biawu, boso mazina mawu: mfumu Timina, mfumu Alava, mfumu Yeteti, 41Mfumu Oholibama, mfumu Ela, mfumu Pinoni, 42mfumu Kenasi, mfumu Temani, mfumu Mibisali, 43mfumu Mangadieli, mfumu Ilami. Bawu babana zi mfumu zi Edomi, boso buenina fulu biawu bibabayadilanga mu tsi yiba mvuilu awu.
Esawu wuba nkulu wu ba Edomite.
தற்சமயம் தேர்ந்தெடுக்கப்பட்டது:
1 Mose 36: YOM-CD
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©2024 Seed Company in coordination with Forum Communautaire des Traducteurs de la Bible et Alphabétisation