Nkunga mi Maniongo 1
1
Yelusalemi, banga fuola diniafunu
1Tala! Mbanza
Yiba batu baphuele!
Buabu yeka mu kitsona.
Yeka banga nketo
Wu difuola.
Yawu yiyenda
Makumbu mu makanda,
Ntinu wunketo mu
Zitsi, Yiyikidi mvika.
2Dila na dila mu builu,
Matsuela mandi
Mankumbanga
Mu matama mandi.
Mu babo bakunzolanga,
Kuisi ko mutu lenda
Kumbomba.
Bakundi bandi babo
Bansadidi bukhita,
Bayikidi minthatu miandi.
3Yuda diyenda mu
Kivika, Mu mvuezolo ayi
Mu kivika kingolo.
Didi va khati makanda
Mankaka, Vayi
Dikambulu fulu ki
Vundila. Minzomi
Miandi mimio
Mimbakididi mu
Tsukumunu.
4Zinzila zi Sioni zidi mu
Kiadi Bila kuisi ko mutu
Wunkuiza Ku minyengo.
Fulu bibio
Binkutakananga
Batu, bieka yambi,
Nganga ziandi zi Nzambi
Nimvumukanga.
Zindumba ziandi zidi
Mu kiadi,
Sioni wedi mu ndudi.
5Minthatu miandi
Minlutidi ngolo,
Beka mu luvovomo bila Yave
Wumonisini ziphasi mu diambu di
Masumu mandi maphuele.
Bana balezi phe balembo
Yendi mu kivika va
Ntuala nthatu.
6Sioni
Dilembo moni bulembo
Yendidi bibio bibedi
Vananga nkembo andi.
Zimfumu ziandi zieka banga
Zikhayi zikondolo biti bidia
Zilembo tini mu kambu ngolo
Va ntuala mveti.
7Yelusalemi wulembo
Bambuka moyo,
Mu lumbu biandi bi nzungani
Ayi nzietele mu bibio biba yandi
Bi mfunu mu lumbu bi tsi khulu
Mu thangu batu bandi babua
Mu moko ma nthatu
Mu kambu mutu wu kunsadisa
Minthatu miandi bamona
Ayi banseva mu diambu
Di mbungulu andi.
8Yelusalemi
Wuvodidi masumu, Diawu
Kayikidi banga tsobo. Babo
Babekunzitisanga balembo
Mvuezi Bu balembo
Moni kondolo nlele mu nitu.
Niandi veka wulembo vumuka
Ayi wulembo baluki mu sueka zizi.
9Tsumukunu andi yinemi mu
Lobi andi. Ka kadi banzila
Mankuiza. Wubuidi, mbuilu andi
Yidi yi ngitukulu ayi
Kadi mutu wu kumbomba.
Tala, Yave, mvuezolo ami,
Tala kambu kuami,
Tala phila nthatu ami
Kalembo nungina.
10Nthatu wuteni mvuilu andi.
Wumona makanda ma
Tatu makota mu kinlongo
Momo mawukandika mu
Kota mu lukutukunu luaku.
11Nkangu andi wuwo
Wulembo vumuki,
Wulembo tombi dipha.
Veni bibio biba thalu
Kudi bawu mu baka bidia,
Muingi bavutula ngolo.
«Yave, tala ayi mona,
Banga bu mbevuezolo.»
12Dibika ba banga buabu
Kudi beno babo lumviokila
Nzila yayi! Taleno ayi moneno
Keni vadi ziphasi zi dedakani
Ayi zindimona,
Zio zibambonisa!
Zifuanane ayi ziozio
Yave kambuisidi.
13Tona ku diyilu, wufidisa
Mbazu yikota mu nitu ami,
Wutamba dikondi ku tsi malu
Mami, wumvutula ku manima,
Wukhitula kima kiphamba,
Ndidi mu kimbevo lumbu ka lumbu.
14Wukanga vangu ki mambi
Mami, koko kuandi
Kukupika mawu va kimosi, ayi
Makumini nate va tsingu.
Yave wukuludi ngolo ziami.
Wundiekula mu mioko mi minthatu,
Miomio mi ndilendi ko nunga.
15Yave wukukidi thama
Binuani bi ngolo bibedi yami.
Wukutikisidi nkangu masodi
Mu kunduanisa, mu vonda
Masodi mami mantueni,
Wundiesini, banga
Dikundi di vinu
Mu kamunu, minu Yelusalemi
Di kitoko, mbanza Yuda.
16Mu diambu diodio
Ndilembo didila.
Meso mami mawedi
Mu matsuela.
Bila mbombi ami wuthatukidi
Thama, nio wulenda vutula
Ngolo Ziami. Bana
Bami bazimbidi,
Bila nthatu lutidi ngolo.
17Sioni tukuni mioko
Vayi kadi mutu wu kumbomba,
Yave wuvana lutumu kudi
Minthatu mi Yakobi
Mu kunuanisa,
Yelusalemi yiyikidi
Tsobo va khati awu.
18Yave widi walunungu,
Bila natinguni thumunu ziandi.
Luwa, lu makanda mamo,
Taleno kiadi kiami.
Ndumba ziami ayi matoko mami
Bameni kuenda kivika.
19Nditedidi babo babedi
Kunzolanga, Vayi bakadi
Bue kundiangalala.
Banganga zi Nzambi ziami ayi
Bakulutu bami
Bafuidi mu khati mbanza,
Mu thangu babetomba bidia
Binkindisa zinitu ziawu.
20Tala, Yave, phila
Mbesukimina! Midi
Miami milembo fundumuka,
Ntima ami wuvinzuka,
Bila nditinguni mambu maku,
Mu zinzila, sabala
Kivondidi bana bami,
Mu nzo banga ti tuidi
Ku tsi bafua.
21Balembo kungue bu
Ndilembo vumuki:
Vayi kadi mutu wu kumbomba.
Nthatu miami mimio
Miwilu mabienga mami,
Balembo yangalala mu
Maphasi mawuphangidi,
Wutuedi lumbu kiokio
Ki wukamba#1.21 Tala Amo 5.18, Yes 2.12, 13.6, Yoe 1.15, 2.1-2.
Muingi baba banga minu.
22Tala khesi ziawu
Ayi wubavangila banga bu
Wuphangidi mu diambu di
Mambi mami mamo
Bila ndilembo
Vumuka buphuele,
Ayi nitu ami yimvimba
Yidi mu kimbevo.
தற்சமயம் தேர்ந்தெடுக்கப்பட்டது:
Nkunga mi Maniongo 1: YOM-CD
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
©2024 Seed Company in coordination with Forum Communautaire des Traducteurs de la Bible et Alphabétisation