ଜଅନ୍ କେନ୍ ଉଲାକ୍ବକ୍ ମାମା ଡୁକୁନୁଂ:
କେନ୍ ଉଲାକ୍ବକ୍ ମାମା ଡୁକୁନୁଂ:
କେନ୍ ଉଲାକ୍ ଜଅନ୍ଲା ଲେକ୍ଲ'ତା । ଆମାଇ ଜିସୁଲା ଅବୁଦି ଆଲାତ୍ ଡେମ'କୁ (21: 20–24; 13:23; 19:26; 20:2; 21:2–7) ନାଜରିତ୍ ଉଂଗମ୍ନା ଜିସୁଲା ଜା ଡ'ସେକ୍ ଆରେମଲେ ଅମାକ୍ପୁଲେଇ ମାରି ମା'ଏ ଆମାଇ ବିସ୍ବାସ୍ ଡିନ୍ଡେମ୍ପୁଲେଇ ଜଅନ୍ଲା ମାଇ ନିଜେ ଜୁଲ'କୁନୁଂ ମାରି ପାଲ୍ ରେମଲେ ଜୁଲ'କୁନୁଂ ଗୁଲାଇ ଲେକ୍ଲ'ସେକ୍ ଆରେମଲେ ଅମାକ୍ଡେନ୍ତା । ମାଇ ଆଜିସୁଲା ମାପ୍ରୁନା ତୁମ' ଡ'ସେକ୍ ଆକେ ସୁନ'ତା । ଗୁତୁନ୍ ତୁମ' ରେମ ଏଗ୍ସେକ୍ ଆକେ ଦର୍ତନିବକ୍ ରେମଲେବୁରଂ ଡୁକୁ । ମାଇ ଦର୍ତନି ଅ'ରଇଁ ସିଁସେଇଁବାଂସା' ମାପ୍ରୁବୁରଂ ଡୁକୁ ମାରି ମାଇଉ ମାପ୍ରୁ ଡ'ସେକ୍ ଲେକ୍ଲ'ତା । ଜିସୁଲା ଆକେ ଦର୍ତନିବକ୍ ଡୁକୁନୁଂବେଲା ମାଇ ଅବୁଦି କାବାକାବା ଡିନ୍ଡେମ୍ବାଇ' କାମ୍ ଡେମ'କୁସା' ମାଇଉ ଆରେମଲେ ରକ୍ୟା ଡିନ୍ଡେମ୍ପୁଲେଇ ଜର୍କୁନୁଂ ମାପ୍ରୁନା ଉଁ'ଉଁ, ମାରି ଆମାଇ ଜା ବିସ୍ବାସ୍ ଡେମ୍ତ ମାଇ ମଡୁନମ୍ ଜିବନ୍ ବାମ୍ତା ଡ'ସେକ୍ ଜଅନ୍ଲା ଆକେ ଲେକ୍ଲ'ତା (20: 30–31) ।
ଜିସୁଲା ଆରେମଲେ ଅମାଗ'କୁନୁଂ ସାତ୍ଟା ତୁମ' ମାରି ଜିସୁଲା ଡେମ'କୁନୁଂ ସାତ୍ଟା କାବାକାବା ଡିନ୍ଡେମ୍ବାଇ'ନା କାମ୍ ଗୁଲାଇ ଜଅନ୍ଲା ଆକେ ଲେକ୍ଲ'ତା । ଜିସୁଲା ଡେମ'କୁନୁଂ ମାରି ଅଇଁୟ'କୁନୁଂ ଗୁଲାଇ ଜୁଲ'ନା ମାପ୍ରୁଉ ଆଜିସୁଲା ଆକେ ବେନ୍ଟାୟ'ତା ଡ'ସେକ୍ ନେଇ' ମାକ୍ତୁନେଇ' । ଜିସୁ କିରିସ୍ଟଲା ଜନମ୍ ଡେଂସେକ୍ ସାର୍କଡି ପାଁନ୍ସ୍ ବରସ୍ ତିର୍ଗି' କେନ୍ ଉଲାକ୍ ଲେକ୍ଲ'ତା ଡ'ସେକ୍ ଅବୁଦିର ବୁଦିରେମେ ଏତ୍ଗୁତା ।
ଦର୍ତନିବକ୍ ଡୁକୁନୁଂ ଗୁଲାଇର ଆନିଂ ବିସ୍ବାସ୍ ଡେମେଇ' ଡ'ସେକ୍ ଜିସୁଲା ମୁନ୍ ଡେଂଗୁତା । ଆମାଇ ବିସ୍ବାସ୍ ଡେମ'ନାଉ ରେମଲେ ମଡୁନମ୍ ଜିବନ୍ ବାମ୍ତା ।
କେନ୍ ଉଲାକ୍ବକ୍ ମାମା ମୁକ୍ୟ ବିସୟ ଡୁତା ଡ'ନା:
1 . କେନ୍ ଉଲାକ୍ ମାପୁଲେଇ ଡ'ସେକ୍ (1:1–18)
2 . ବାପ୍ତିସ୍ମା ବିବେ'ଡା ଜଅନ୍ଲା ମାରି ଜିସୁଲା ମୁଲ୍ ସିରେଲ'କୁନୁଂ ସିସ୍ୟଲେ (1:19–51)
3 . ଜିସୁଲା କାମ୍ ଡେମ'କୁନୁଂ (2:1—12:50)
4 . ଜିସୁଲା ଗୁଗୁଇ' ସିଁସେଇଁ ଜିରୁସାଲମ୍ ଉଂଗମ୍ ଉନ୍ତୁ' ତ'ନାଂକନ୍ଡେକ୍ କାମ୍ ଡେମ'କୁନୁଂ (13:1—19:42)
5 . ଗୁଇ'ସେକ୍ ବୁରକୁନୁଂ ମାରି ଆରେମଲେ ଅ'ତୁନାକୁନୁଂ (20:1–31)
6 . ଗାଲିଲିବକ୍ ଜିସୁଲା ଆମାଇନା ସିସ୍ୟଲେ ଅ'ତୁନାକୁନୁଂ ମାରି ଅଇଁୟ'କୁନୁଂ (21:1–25)
தற்சமயம் தேர்ந்தெடுக்கப்பட்டது:
ଜଅନ୍ କେନ୍ ଉଲାକ୍ବକ୍ ମାମା ଡୁକୁନୁଂ:: BFW
சிறப்புக்கூறு
பகிர்
நகல்
உங்கள் எல்லா சாதனங்களிலும் உங்கள் சிறப்பம்சங்கள் சேமிக்கப்பட வேண்டுமா? பதிவு செய்யவும் அல்லது உள்நுழையவும்
CC BY-NC-ND 4.0