குறிக்கோள் நிறைந்த வாழ்க்கையை வாழுங்கள்!மாதிரி

"வெற்றியுள்ள உறவுகளுக்கான இரகசியம்"

நண்பருடனோ, குடும்பத்தினரோடோ, வாழ்க்கைத் துணையோடோ   அல்லது கடவுளோடோ உள்ள உறவு வெற்றிகரமாக விளங்க வேண்டுமானால், இரண்டு அடிப்படை   அம்சங்கள் இருக்க வேண்டும். ஒன்று, அவர்களுக்கிடையில் அன்பும், நேசமும் பகிரப்பட   வேண்டும்; இரண்டு, அந்த அன்பு செயலில் காட்டப்படவேண்டும்.

உண்மையான அன்பு செயலில் காட்டப்படும் என்பது உண்மை. உண்மையான நண்பன் மற்றவனை   ஒரு தேவையுள்ளவனாய்ப் பார்க்கும்போது, நிச்சயம் உதவி செய்வான். நாம்   தேவனோடு கொண்டுள்ள உறவுக்கும் இது பொருந்தும். தேவன் மேல் உண்மையான அன்பு   கொண்டிருந்தால், அது செயலில் வெளிப்படும்; அந்த அன்பின் வெளிப்பாடாக   நம்மைச்சுற்றியுள்ள மற்றவர்களின் வாழ்வை நாம் தொடுவது தேவனுடைய இருதயத்தையும்   தொடும்.

மற்றவர்களோடு நாம் கொண்டுள்ள   உறவுகள் பலப்படுவது நாம் தேவனோடு கொண்டுள்ள உறவைப் பொருத்தே இருக்கிறது.   உண்மையில், மற்றவர்களோடு நாம் கொண்டுள்ள உறவு தேவனோடு கொண்டுள்ள   உறவின் நீட்சியாகத்தான் இருக்க வேண்டும் என தேவன் ஆசிக்கிறார். 

விசுவாசிகளாகிய நம்மைப்பொறுத்தவரை, தேவனுடனுள்ள 'செங்குத்தான' உறவு, பிறமனிதரோடு கொண்டுள்ள 'கிடைமட்ட' உறவு இரண்டுமே தேவனுக்கு முக்கியமானவை. - அவரையும்   பிறரையும் நேசித்தல்.