பலங்கொண்டு திடமனதாயிரு!மாதிரி

கர்த்தர் உன்னிடம் கூறுகிறார், “திடமனதாயிரு!”

இன்று யோசுவா 1:9 ஆம் வசனத்தை நாம் தொடர்ந்து தியானிப்போம்...

“நான் உனக்குக் கட்டளையிடவில்லையா? பலங்கொண்டு திடமனதாயிரு; திகையாதே, கலங்காதே, நீ போகும் இடமெல்லாம் உன் தேவனாகிய கர்த்தர் உன்னோடே இருக்கிறார் என்றார்." (யோசுவா 1:9)

இன்று, கர்த்தர் உன்னிடம், “திடமனதாயிரு!” என்று கூறுகிறார்.

"பிரியமான புருஷனே, பயப்படாதே; உனக்குச் சமாதானமுண்டாவதாக, திடங்கொள், திடங்கொள் என்றான்; இப்படி அவன் என்னோடே பேசுகையில் நான் திடங்கொண்டு அவனை நோக்கி: என் ஆண்டவன் பேசுவாராக; என்னைத் திடப்படுத்தினீரே என்றேன்." (தானியேல் 10:19)

உன் இதயம் கலங்குகிறதா? திடமனதாயிரு... உன் ஆண்டவர் உன்னுடன் இருக்கிறார்!

• உனக்கு சமாதானத்தை தருபவர், அதை உனக்கு முழுமையாகத் தருகிறார்.
• ஆண்டவரை நோக்கிப் பார்த்து, அவருடைய பணியைச் செய்பவர்கள், அவரால் போஷிக்கப்படுவார்கள் என்று உறுதியாக நம்பலாம்.
• அவர் அழைப்பவர்களை தகுதியுடையவர்களாக்குகிறார்.
• அவர் ஒருவரே நீதி செய்பவர்.
• சகலத்தையும் வழங்குபவர் அவரே.

திடமனதாயிரு என்று சொல்பவர் உன்னை அதைரியப்படுத்தும் எதையும் விட வலிமையானவர்.

வேதாகமம் சொல்கிறது, “இப்போதும் யாக்கோபே, உன்னைச் சிருஷ்டித்தவரும், இஸ்ரவேலே, உன்னை உருவாக்கினவருமாகிய கர்த்தர் சொல்லுகிறதாவது: பயப்படாதே; உன்னை மீட்டுக்கொண்டேன்; உன்னைப் பேர்சொல்லி அழைத்தேன்; நீ என்னுடையவன். நீ தண்ணீர்களைக் கடக்கும்போது நான் உன்னோடு இருப்பேன்; நீ ஆறுகளைக் கடக்கும்போது அவைகள் உன்மேல் புரளுவதில்லை; நீ அக்கினியில் நடக்கும்போது வேகாதிருப்பாய்; அக்கினிஜூவாலை உன்பேரில் பற்றாது.” (ஏசாயா 43:1-2)

திடமனதாயிரு. உன்னைச் சுற்றியுள்ளவர்களுக்கு உன்னைத் தெரியாமல் இருக்கலாம், ஆனால் ஆண்டவரோ, உன் பெயரைச் சொல்லி உன்னை அழைக்கிறார்...! நீ அவருடையவன் / அவருடையவள். அக்கினியின் சோதனையிலும் கூட அவர் உன்னோடு இருக்கிறார். அவர் உன் பக்கத்தில் இருக்கிறார். நீ ஒருபோதும் தனியாக இல்லை. உன் அருகாமையில் ஆண்டவர் இருக்கிறார். திடன் கொள்!