Lukas 8 నుండి ప్రసిద్ధ బైబిల్ శ్లోకాలు

షేర్ చేయి

Cov noob nplej uas poob rau ntawm qhov av zoo, piv txog cov uas hnov Vajtswv Txojlus es muab khaws nkaus cia rau hauv lub siab uas zoo thiab ncajncees, thiab lawv ua siabntev tiv mus txog hnub uas lawv tawgpaj txitxiv.

Cov noob nplej uas poob rau hauvqab tsob pos, piv txog cov uas hnov Vajtswv Txojlus, tiamsis tej kev nyuajsiab, kev ntshaw nyiaj, thiab kev lomzem hauv lub neej no hlob tuaj laum lawv, thiaj ua rau lawv tej txiv lojhlob tsis taus li.

Cov noob nplej uas poob rau ntawm thaj av uas muaj pobzeb ntau tiamsis av tsawg, piv txog cov neeg uas thaum lawv hnov dheev Vajtswv Txojlus, lawv txawm txaussiab hlo txais yuav. Tiamsis txojlus ntawd cog cag tsis tob rau hauv lawv; lawv ntseeg ib nyuag ntu xwb, thaum lawv raug kev simsiab ces lawv ciali thim rovqab lawm.

Yexus hais rau cov thwjtim tias, “Nej txoj kev ntseeg dua twg lawm?” Cov thwjtim xav tsis thoob thiab ntshai kawg li, lawv sibtham hais tias, “Tus no yog leejtwg es ho txwv tau cua thiab dej, ua rau cua thiab dej ciali kam mloog Nws lus?”

Cov noob nplej uas poob rau hauv txojkev, piv txog cov uas hnov Vajtswv Txojlus, tiamsis dab ntxwgnyoog txawm los rho kiag txojlus ntawd tawm hauv lawv lub siab mus, kom lawv thiaj tsis ntseeg thiab thiajli tsis dim.

“Tej uas muab zais cia lawm yeej yuav raug muab nthuav tawm, thiab tej uas muab npog cia lawm yeej yuav muaj tus nrhiav tau thiab muab qhib kom sawvdaws paub xwb.

Tus pojniam ntawd paub tias Yexus twb paub lawm, nws thiaj los txhoscaug ntua ntawm Yexus kotaw ua ibce tsheehnyo. Nws txawm qhia rau Yexus tabmeeg sawvdaws hais tias vim licas nws thiaj kov Yexus lub tw tsho thiab vim licas tamsim ntawd nws tus mob thiaj zoo kiag lawm. Yexus hais rau nws tias, “Mentxhais 'e, koj txoj kev ntseeg twb kho koj zoo lawm. Koj ciali mus kajsiab lug.”

Cov thwjtim thiaj mus tsa Yexus thiab hais tias, “Xibhwb, Xibhwb, peb twb yuav puastsuaj tamsim no!” Yexus sawvtsees los txwv cua thiab cov dej uas nphau tej niag nthwv ntawd; ces cua txawm tu thiab dej nyob tusyees lawm, ua rau nyob ntsiagto lawm xwb.