Popular Bible Verses from SAN JUAN 12

షేర్ చేయి

Pillapis munayniyta ruwajqa qhepayta jamuchun; maypichus noqa kasaj, chayllapitaj paypis kanqa. Tataytaj chay munayniyta ruwajta jatumpi jap'enqa.

Kausayninta munakojqa, chinkachenqa; kay pachapi kausayninta qhesachajtaj, wiñay kausaypaj waqaychanqa.

Cheqamanta, cheqamanta niykichej: Uj trigo mujuchus jallp'aman urmaspa mana wañunman chayqa, sapallan kanman; wañun chayrí, ashkha poqoyta apan.

Noqa k'anchay kani. Kay mundoman jamorqani, tukuy noqapi creejkuna ama laqhallapipuni kanankupaj.

Palabrasniyta uyarispa, mana waqaychajtaqa, mana noqachu juchachasaj; mana mundota juchachajchu jamorqani, astawanqa salvaj jamorqani.

Chaymantaj María apamorqa ashkha valorniyoj nardomanta k'acha q'apaj perfumeta, uj khuskan litrota jina; chaywantaj Jesuspa chakisninta jawerqa, chujchasninwantaj ch'akicherqa. Chay k'acha q'apaytaj wasiman junt'aykorqa.

Palma ramasta jap'ispa, Jesusta taripaj llojserqanku, qhaparerqankutaj: Kausachun! Yupaychasqa kachun Israelpa Reynin, Señorpa sutimpi jamojqa!

Jesustaj paykunaman kutichispa nerqa: Hora chayamunña Runaj Churin jatunchasqa kanampaj.