Popular Bible Verses from SAN JUAN 13

షేర్ చేయి

Uj mosoj kamachiyta qoykichej: Purajmanta munanakunaykichejta. Imaynatachus noqa munakorqaykichej, ajinallatataj qankunapis purajmanta munanakuychej. Qankunachus munanakunkichej chayqa, tukuy runas yachanqanku yachachisqasniy kasqaykichejta.

Noqachus Maestro, Señortaj kaspa, chakisniykichejta mayllarqaykichej chayqa, kikillantataj qankunapis chakisniykichejta mayllanakuychej. Chayta noqa ruwani, qankunapis noqa jina ruwanaykichejpaj.

Jesús payman kuticherqa: Kay ruwasqayta mana yachankirajchu, qhepamanraj entiendenki.

Cheqamanta, cheqamanta niykichej: Kamacheqa patronninmanta mana aswanchu, nitaj kachasqapis kachajninmanta aswan kurajchu.

Chay imastachus entiendespa ruwayta yachankichej chayqa, kusikuyniyoj kankichej.

Chayrayku cenapi kashaspa sayarerqa, pata p'achanta orqhokuspa, uj toallata cinturanman warkhuykukorqa. Uj ch'illamipi yakuta jich'arqospataj, yachachisqasnimpa chakisninta mayllayta qallarerqa. Cinturampi karqa chay toallawantaj chakisninkuta ch'akicherqa.