Popular Bible Verses from SAN JUAN 14

షేర్ చేయి

Sonqo samakuyta saqeykichej, sonqo samayniyta qoykichej; mana mundoj qosqanta jinachu qoykichej. Sonqoykichej ama phutikuchunchu, nitaj manchachikuchun chu.

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

Ama sonqoykichej phutikuchunchu, qankunaqa Diospi creenkichej, noqapipis creellaychejtaj.

Sonqochaj Santo Espiritutaj, pitachus sutiypi Dios Tata kachamonqa; pay tukuy imata yachachisonqachej, yuyarichisonqachej taj tukuy ima nisqayta.

Pichus kamachisqasniyta jap'ikun, waqaychantaj, chaymin munakuwajqa. Noqata munakuwajtataj Tatay munakonqa, noqapis payta munakusaj, rikuchikusajtaj payman.

Noqataj Dios Tatamanta mañasaj, paytaj waj sonqochajta kachamonqa, wiñaypaj qankunawan kanampaj; cheqa Espirituta, mayqentachus mundo mana jap'iyta atinchu, imaraykuchus payta mana rikunchu nitaj rejsinchu. Qankunataj payta rejsinkichejña, imaraykuchus qankunawan kashan, qankunallapitaj kanqa.

Imatachus Dios Tatamanta sutiypi mañakunkichej, chayta noqa ruwasaj, Dios Tata Churinnejta jatunchasqa kanampaj. Imallatapis sutiypi mañakunkichej, chaytaqa noqa ruwasaj.

Munakuwankichej chayqa, kamachisqasniyta ruwaychej.

Tataypa wasimpi ashkha tiyakunas tiyan; manachus jina kanman chayqa, niykichejmanña karqa; kunanqa rishani qankunapaj uj cheqata wakichimoj.

Ripuspaqa qankunapaj tiyakunasta wakichimusaj, chantá kutimuspa pusasqaykichej, maypichus noqa kasaj chaypi qankunapis kanaykichejpaj.

Tomastaj payman nerqa: Señor, mana yachaykuchu maymanchus rishasqaykita, imaynatataj ñanta rejsisqayku?