Popular Bible Verses from SAN JUAN 15

షేర్ చేయి

Noqa uva sach'a kani, qankunataj ramas kankichej; pillapis noqapi kakojqa, noqataj paypi, chaymá ashkha poqoytaqa apan. Mana noqawanqa, mana imatapis ruwayta atinkichejchu.

Noqapipuni kakuychej, imaynatachus noqapis qankunapi kakuni ajinata. Imaynatachus ramaqa sapanmanta mana poqoyta atinchu, mana uva sach'api kaspaqa; ajinallatataj qankunapi mana atinkichejchu, mana noqapi kawajchej chayqa.

Noqapichus kakuwajchej, palabrasniytaj qankunapi kanman chayqa, tukuy munasqaykichejta mañakuychej, jap'inkichejtaj.

Mana qankunachu ajllawarqankichej, astawanqa noqa ajllarqaykichej; churarqaykichejtaj willaj rinaykichejpaj, poqoytataj apanaykichejpaj. Chay poqoyniykichejtaj kakunallampajpuni; tukuy imata sutiypi Dios Tatamanta mañakusqaykichejta taj, pay qosonqachej.

Mana pipis astawan jatun munakuyniyoj kanchu, kausaqesninrayku kausayninta qojmanta nisqaqa.

Tukuy rama noqapi kashaspa, mana poqonmanchu chayqa, Dios Tata k'utonqa. Poqoyta apaj ramatataj llimphuchanqa, astawan poqoyta apanampaj.

Kaymin kamachiyneyqa: Qankuna purajmanta munanakuychej, imaynatachus noqa munakuykichej ajinata.

Qankuna ashkha poqoyta apajtiykichej, Tatayqa jatunchasqa kanqa; ajinamanta yachachisqasniy kankichej.

Noqa cheqa uva sach'a kani, Tataytaj llank'ajqa.

Mana noqapi kakojqa, rama jina jawaman wijch'usqa kanqa, ch'akiponqataj. Chay ramasta tantaspataj ninaman enqhaykonqanku, q'olanqataj.

Kay imasta niykichej, kusikuyniy qankunapi kanampaj, kusikuyniykichejtaj junt'akunampaj.

Kamachisqasniytachus waqaychankichej chayqa, munakuyniypi kakunkichej; imaynatachus noqapis Tataypa kamachisqasninta waqaychani, munakuynimpitaj kashani ajinata.

Kayta kamachiykichej: Purajmanta munanakunaykichejta.

Mundojtachus kawajchej chayqa, mundoqa paypata kajkunata munakunman. Kunantaj mana mundojtachu kankichej, astawanqa noqa mundopi kajkunamanta ajllarqaykichej. Chayrayku mundoqa chejnisunkichej.