Popular Bible Verses from SAN JUAN 16

షేర్ చేయి

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

Chay cheqa Espíritu chayamojtin, pay cheqa kajman pusasonqachej; imaraykuchus mana payllamantachu parlanqa, astawanqa Dios Tatamanta tukuy uyarisqanta nenqa. Qankunamantaj willasonqachej imaschus qhepata jamunankuta.

Kunankama mana imatapis sutiypi mañakorqankichejchu; kunanqa mañakuychej, jap'inkichejtaj, kusikuyniykichej junt'asqa kanampaj.

Noqataj cheqata niykichej: Qankunapaj allin kanqa noqa rinayqa, imaraykuchus mana riyman chayqa, sonqochaj Espíritu mana jamunmanchu qankunaman. Ripusaj chayqa, payta kachamusqaykichej. Pay jamuspaqa mundopi kaj runasta juzganqa juchamanta, cheqa kajmanta, juiciomantawan.

Ajinata qankunapis kunan llakikushankichej. Uj kutitawan rikusqaykichej, sonqoykichejtaj kusikonqa; manataj pipis chay kusiyta qankunamanta qhechuyta atenqachu. Chay p'unchaypitaj mana imata tapuwankichejchu. Cheqamanta, cheqamanta niykichej: Dios Tataqa, tukuy imata sutiypi mañakojtiykichejqa qosonqachej.

Cheqamanta, cheqamanta niykichej: Waqankichej, llakikunkichejtaj; kay mundopi runastaj kusikonqanku. Chaywampis llakiyniykichejqa kusikuyman tukonqa.