Popular Bible Verses from Lucas 24

షేర్ చేయి

Noqataj, Tata Diosniy pitachus kachamusunaykichejta nerqa, chayta kachamusqaykichej. Chaykamarí, Jerusalén llajtapi qhepakuychej, janaj pachamanta atiywan kallpachasqa kanaykichejkama, nispa.

Payqa manaña kaypichu, wañusqamanta kawsarimpunña. Imatachus nisorqachej Galileallapiraj kashaspa, chay nisqanmanta yuyarikuychej.

Chay kikinpachataj yachachisqakunaj ñawinku kicharikunmanpis jina paykuna Jesusta rejsikaporqanku. Paytajrí ñawpaqenkumanta ujllata chinkarerqa. Jinapi paykuna ninakorqanku: Manachu sonqonchej k'ajarerqa ñanpi parlashawajtinchej, Diospa Qhelqachisqanpa nisqantataj sut'inchashawajtinchej? nispa.

Pay nillarqataj: Ajinata Diospa Qhelqachisqanpi nin, Cristoqa jinatapuni ñak'arinanta, chantataj wañusqakuna chawpimanta kinsa p'unchayninman kawsarimpunanta. Chantá Jerusalenpi qallarispa, payta qhatikojkuna Jesuspa sutinpi tukuy runaman willananku karqa Diosman kutirikunankuta, ajinamanta Dios juchankuta pampachananpaj.

Chayaspataj, aya p'ampanaj punkunpi wisq'ana jatun rumita tijrasqata tariparqanku. Chayman yaykuspataj, mana Tukuyta Kamachej Jesuspa ayanta tarerqankuchu.