Popular Bible Verses from Lucas 23

షేర్ చేయి

Chaymanta qhepamantaj Jesús nerqa: Tatáy, juchankuta pampachay, imaraykuchus mana yachankuchu imatachus ruwasqankuta, nispa. Chaykamataj soldadokuna suerteta choqaspa, Jesuspa p'achanta rak'inakorqanku.

Jesustaj kuticherqa: Kayta sut'itapuni niyki: Kunanpacha may kusiy cheqapi noqawan khuska kanki, nispa.

Chantá chay suwaqa Jesusta nerqa: Noqamanta yuyarikuway, maypachachus kamachiyta qallarinki chaypacha, nispa.

Jinapi Jesusqa sinch'ita qhaparerqa: Tatáy, makiykiman kawsayniyta jap'ichikamuyki, nispa. Chayta nispataj, Jesús wañuporqa.

T'ojlu moqo nisqa cheqaman chayaytawantaj, Jesustaraj cruzman chakatarqanku. Chaymantataj chay iskay suwakunatapis cruzman chakatallarqankutaj, ujninta Jesuspa pañanman, ujnintataj lloq'enman.

Chawpi p'unchay jinaña karqa. Chantá tukuy chay cheqaqa laqhayaykorqa kinsa kaj phanikama. Intitaj laqhayaykorqa. Chaypachallataj Templopi jatun velo ujllata iskayman llik'irparikorqa.

Chantá soldadokunaj capitanninku chayta rikuspa, Diosta jatuncharqa: Kay runaqa cheqan runapuni karqa, nispa.