Popular Bible Verses from JUAN 15

షేర్ చేయి

Ñucaca uva yurami cani. Cancunaca ramacunami canguichij. Maijanpish ñucahuan shuj shinalla cajhuanca, ñucapish paihuanmi casha. Paica achcatami p'ucunga. Ñucamanta ch'icanyashpaca, imata mana rurai tucunguichijchu.

Cancunaca ñucahuan shuj shinalla catichij, ñucapish cancunahuanca shuj shinallami casha. Ima shinami ramaca yurapi mana cashpaca, paillatajca mana p'ucui tucun. Ñucahuan mana shuj shinalla catishpaca, cancunapish chashnallatajmi mana p'ucui tucunguichij.

Cancuna ñucahuan shuj shinalla catijpica, ñuca Shimicunapish cancunahuan shuj shinallami canga. Chashna cashpa cancuna imatapish ñuca Yayata mañajpica paica cungallami.

Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Maijanpish paihuan alli apanacujcunamanta huañujca yallitaj c'uyajmi. Chashna c'uyajca pi mana tiyanchu.

Ñucapi caj ramacuna maijanpish mana p'ucujpica anchuchingami. Maijanpish p'ucujpica, ashtahuan p'ucuchun mana allita anchuchirangami.

Caimi ñuca mandashcaca: Ima shinami ñuca cancunata c'uyarcani, chashnallataj cancunapish caishuj chaishuj c'uyanacuichij.

Cancunaca ñuca yachacujcuna shinataj causashpa achca granota p'ucushpaca, ñuca Yayatami jatunyachinguichij.

Ñucaca uva yuratajmi cani, ñuca Yayaca chagrayujmi.

Mana p'ucuj ramataca p'itishpa canllaman shitajpi, chaquirijpica tandachishpa rupachinmi. Maijanpish ñucapi cashpapish ñucahuan mana shuj shinalla cajtaca, chai ramata shinallatajmi rurashca canga.

Chaicunataca ñuca cushicui cancunapi cachunmi chashnaca nini. Chaimi ñuca cushicuj shinallataj cushicunguichij.

Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

Cancunataca caishuj chaishuj c'uyanacuchunmi mandani.

Cai pachapaj cajpica, cai pachapaj cajcunaca paicunapaj cashcamanta c'uyanmanmi. Cai pachapaj cajcunahuan cajpipish ñuca agllajpimi, mana cai pachapaj canguichij. Chaimantami cancunataca cai pachapaj cajcunaca p'iñancuna.