Popular Bible Verses from LUCAS 13

షేర్ చేయి

–Quichqui punguta yaicunata yuyaichij. Achcacunami yaicunata yuyangacuna. Ashtahuanpish mana yaicui tucungacunachu. Chaica chashnatajmi.

Chaipica, unguchij supai curcuyachijpi chunga pusaj huatata curcuyashca shuj huarmimi tiyacurca. Chai huarmica manataj derecho shayari tucujmi carca. Paita Jesús ricushpa cayashpaca: –Huarmi, cambaj ungüimantaca ñami cacharichishca cangui– nishpa

paipaj jahuapi maquita churajpica, chai huarmica derecho shayarishpami Taita Diosta sumajmari cangui nirca.

Chaipica, cunan puntapi cajcunaca, huashayachishcami cangacuna. Cunan huashaman cajcunaca puntapi churashcami cangacuna– nircami.

Huasiyuj yaya jatarishpa punguta huichcashca q'uipami, canllapi cajcunaca pungumanta cashna nishpa cayai callaringuichij: “Amito, Amito, punguta pascapai” ninguichijmi. Ashtahuanpish paica cancunataca: “Mana rijsinichu, maimantapishchari canguichij” ningami.

Cancunatapish cashnami nini: Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij” nircami.

Ashtahuanpish huasiyujca: “Mana rijsinichu, nijtaca uyaichigari. Millaita rurajcuna caimanta anchuichij” ningami.

Jesusca cashnapishmi nirca: “Taita Dios mandacujpi ima shina canataca ¿imaman rijchaj nishpataj ch'imbapurashpa ricuchishari? Chaica cashnami canga. Mostaza muyuta shuj runa paipaj allpapi tarpujpica jatun yurami tucun. Chai muyu huiñashpa jatun yura tucujpica, pajarocunami tazinashpa causancuna. Taita Dios mandacujpipish chashnami canga” nircami.