Popular Bible Verses from LUCAS 23

షేర్ చేయి

Chaipimi Jesusca: –Yayitu, paicunaca imata ruracushcataca mana yachancunachu, perdonapailla– nirca. Jesuspaj churanataca, soldadocunami sorteashpa japircacuna.

Jesusca: –Cunanllatajmi paraisopi ñucahuan cangui. Chashnatajmi canga– nirca.

Chai runaca Jesustaca: –Can mandangapaj shamushpaca, ñucata yuyaripangui– nijpimi

Jesusca sinchita caparishpami: –Yayitu, cambaj maquipimi ñuca espirituta mingani– nishpaca huañurcallami.

Uma Tullu urcuman ña chayashpa chaipi Jesusta chacatashpaca, huañuchij ishqui runacunatapish shujtaca alli ladoman, caishujtaca lluqui ladomanmi chacatarcacuna.

Chaupi punllamanta quimsa horas chishicamami, tucui cai pacha amsayarca. Intipish mana achijyachircachu. Taita Diospaj huasi ucupi jarcachishca linsoca, jahuamanta urimanmi chaupita lliquirirca.

Chashna tucujta patsaj soldadocunata mandaj ricushpaca: –Cai runaca jucha illajtajmari cashca– nishpami, Taita Diosta jatunyachirca.