Popular Bible Verses from NJƆÚ 15

షేర్ చేయి

Nyá lɔ ngáá sii hii ŋáni wúlu ɣɛ kíli, wá va tɔ wú ngáá mbekeítii kɛ kíli. Ná wáá ló kpahái h̃u wú su mbá, nyá bɛ́lɛ ngáá ló kpahái h̃u ngi su wú wá, ngamba pánda aa hɔ́lɔ wú h̃u. Í síɣe féa mbá, wɔ́i faa fíli páa.

A ló kpahaí h̃u wú su mba, nyá bɛ́lɛ ngáá ló kpahái h̃u ngi su wu wa. Ngulú yékei ɛi mbambó nɔ́ɔ bɔwɔ́ yɛ. Sí léi nɔ́ɔ áá kɛ áá mbambó aá wáá ngáá kɛ í ɣɛ lóóni ngulúi gítei wa, ngimɔ́ɔ́ nɔ́ɔ jɔ́ maa hái í na, kɛ léi wú ló kpahái h̃u mba, kɛ́ ná láá le, wɔ́i hómbo wɔ́ɔ́ faa fíli kɛ ngáá wumaá.

Kɛ́ ná wɔ́lii wáá ló kpahái h̃u wú su mbá, ndáá wói va í ló wú líítii su, ná ná áá ɣɛ́, sí fíli áá wú líívo, a Ngala fɛ́li faaw̃a aáva wáá sɔ́lɔ.

Wá láa le wɔ́ɔ́ lokolo mbá, kɛ́ nyá lɔ́ ngí lókolongɔ wú wa ngáá wú lí wú kɛ ngáá háwu ngamba bih̃íw̃aa í hɔ́lɔ wú h̃ú, ngambángi sí áá ɣɛ́ na kúnafɔ taá ngi ndá gúnafɔ. Aáva sí fíli wáá ní Kɛ́ɛ́ɣɛ hɛ́li faaw̃a ndááheingi h̃u, aa fe wú yáá.

Ndo fíli aa mɔɔ na ɔ́ɔ́ lɔ́ve sí wa ngáá sí nuí áá lɛɛh̃úi gúla kɛlɛ́ma ngi mbálangaitii faaw̃a.

Mbekeí fíli áá ɣɛ́ mbá ɛ́i wá aa tevé mbá, sí va áá ɣɛ́ mbá áá wa, aa maa bátɛ fo kɛinɔɔ́ í wa ngwala.

Ní hávai lɔ ngáá sí ngáá wú ló ngáá ỹɔw̃ɔ́ ỹɔ́w̃ɔ kíya nɔ́ɔ ndóngɔ ngáá wú ye.

A kɛ ngáá háwu ngamba bih̃íw̃aa í hɔ́lɔ wú h̃u, ná áa ngakɛ ngáá kɛ wá lɔ ngáá pólu yelaa. Ná vá tɔ áá ngákɛ ngáá kíya ní Kɛ́ɛ́ɣɛ gáámaangɔ.

Jísu i ɣɛi ta, “Nyá lɔ́ ngáá sii hií ŋáni wúlu giteí ɣɛ́ kíli, ní Kɛ́ɛ́ɣɛ va tɔ po ngí ngáá maa híí hii ŋanii.

Nuí fíli ɛ́i ɣɛ́ loí kpahái h̃u áá ɣɛ́ su mbá, maa w̃ɔ́i haa gulangɔ́ aa ɣɛ nɔ́ɔ la ngáá ngulú yékei sí taá tevé mba, tí pilí aáva í ye. Ngulú yéke láálii nátii pa tɔ taá ti yatɛ́ mba, tí tí víli ngɔmbuí h̃u, tí w̃ɔ.

Ngí faí sítii ndengá wú w̃a ngáá kɛinɔɔ́ ní góóh̃unɛi í ɣɛ́ wú líí h̃u, aáva maa góóh̃unɛi ta guló bɛ́lɛ álaa gɛ́ɛ́lɛ pele h̃u.

Ná wáá gólo ní hávaitii mbu, ngáá ndí ngú ma ngáá ndongí ngáá ɣɛ́ su ngáá wú ye kíya nɔ́ɔ ngí gólongɔ ní Kɛ́ɛ́ɣɛ hávaitii mbu, áá ndi ngu ma ngáá ndongí í su ngáá nge.

Ní hávai lɔ ngáá sí ngáá wú ló ngáá ỹɔw̃ɔ́ ỹɔ́w̃ɔ.”

Kɛbei wú ɣɛ́i ngáá ngeleí sí wúu yélaa gíte gíte, ná ná ɔ́ɔ́ ɣɛ ngeleí sí wúu yélaitii tɔ́ɔ́ ló ngáá wú ye kíya ti longɔ́ ngáá ti vóngaitii. Kɛ́ aáva wáá ngáá ti vóngaitii ti tá. Ngí lókolonga naá wú wa ngáá wáá mɔ́ɔ ngáá ngeleí sí wúu yélaa. Ná vá tɔ́ í kɛ́ngɔ tí hilíngɔ ngáá wú ye.