Popular Bible Verses from NJƆÚ 19

షేర్ చేయి

Kɛ Jísu va i maa lɔ́i h̃ɔ́fɔlɛnga su, i ɣɛ ta, “Faí sí kpɛ́lɛɛ ngúngi gúlanga.” Í wu máa hítɛ, í ha.

Jísu i ɣɛi nɔ́ɔ kɔlɔ́ ngáá sí kínɛi í ɣɛ́i vaaní kɛ́ fááw̃a ngeleí sí wu, kpɛ́lɛɛ ngú kúlangɔ i ɣɛi náá la. Kɛ i ndengá, i ɣɛ ta, “Njɛ w̃ɔníí lɔ má.” Aáva i sí léni kɛinɔɔ́ sí pɔnɛngɔí Ngala Kɔ́lɔi h̃u í hítɛ nga.

Kɛ Jísu i ngi njéé lɔngá lóóni, í mɔ́ɔ́ volú w̃ɔ́i sí lɔ́ laá Jísu í ɣɛ́i loní la ngwala. Faalɔ, i ɣɛi náa ngi njéé w̃a, “Ndéé, siỹɛ́ngi sí yeɣé nɔ́ɔ ngáá í bɔ́wɔ bɔ́wɔ góó h̃u lóu.” Kɛ i mɔɔ ɣɛa volú w̃ɔ́i ná bɛ́lɛ ma, “Nyah̃ápoi sí yeɣé nɔ́ɔ ngáá í bɔwɔ́ bɔ́wɔ njée.” Aáva í síɣe naa táingi ná w̃a, Jísu volú w̃ɔ́i ná i Jísu njéé yeɣéni náá, í lii lá ngi vɛ́lɛ lowaí wu.

Kɛ́ ná tí folóni Jísu w̃a, kɛ tí tɔ́nga ngáá saangɔ́ i ɣɛi náá la kílii. Faalɔ, taá mɔ́ɔ́ kpaláitii ngáleni. Kɛ́ ná fíli su, sóyai ti tá yílaa i ngi bálai wálani Jísu gaká ya í kputá. Ngamá nɔ́ɔ, kɛ ŋaaw̃ɔini ngaa njɛí ti gúlanga na.

Faí sítii pa ti híyani kɛinɔɔ́ sí pɔ́nɛngɔ Ngala Kɔ́lɔi h̃u ti hítɛ nga ngáá sí í ɣɛ́i ta, “Kaalɛ́i ta yiláa kéle tɔ aa vaamá yálema.” Í mɔ́ɔ́ ɣɛ ta, “Nungái taa ɣɛ taa nuí síí w̃ɔ́i belé tí kpútangɔ ngáá kpalái.”

Jísu gíte i kulɔ́sii ná yéɣeni náa ti ɣɛ́i taa vá kpakpáma ma, ti gúla taa walái h̃uu wa í ló su tí fólo ỹandái ta taa naa lolí ngáá Ngu Kokó Ỹándai. Naí vá tɔ taá tóli ngáá Gɔgɔ́ta Híbulu woí h̃u.

Kɛ sóyaitii tí masa mbɔ́ɔ́lɔi bátɛnga ngáá ngali ngáli sapeí, tí njéi Jísu wu mba. Kɛ tí kula biỹángi vúnga ma.