Juan 15 నుండి ప్రసిద్ధ బైబిల్ శ్లోకాలు

షేర్ చేయి

Eadan, en miban taxu keskaki. Matudan, man jawen mebi keskabuki. Ebe jaibunamekin bimi ichapaya keskakin man Dios benimawatiduki. Eauma man jawayatidumajaidaki.

Jakia jawen taxu anua jawen mebi betsa meskea ana jaska bimitidumaki. Jabiaskadi wakin ea jenebainkin man Dios benimawatidumaki. Jaskaken en matu putama keska wakin eadi putayamaxankanwen.

Janua matudan, ebe ketaxamexun en jancha shinankin unanjaidai jakimama chibankubainkin jawada bikatsis ikin man Dios yuka matu axunxanikiki.

Man ea katuama ean en matu katuniki. Jaskawen taexun en matu yunuaii. Kaxun jatu yusinkin man bimi ichapa wai keska wakin en tsumabu jatu wakin jau chintunyamanunbun jatu kushipa wakubainxankanwen. Jaska wakin en kenayaxun Epa Dios jamapai tibi man yuka matu axunxanikiki.

Tsuada jawen jaibuaibuwen nuikin bechipaikin jatu medabewai mawaxunai tsuan jaskakin ana betsan binutidumaki. En jancha man chibankubainai man en jaibuki. Eskaki, en matu yunuaidan. En matuwen nuikin bechipaimiski. Jaska chibankin betsabuwen nui bechipainamekubainxankanwen.

Jatidi mebi tibi bimi jayamaken mextexun putamiski. Jakia jawen mebi tibi bimiyamis ana bimijaida wakin jawen ibuan bumextekin pewamiski, jau ana katakutan bimijaidanunan. Ea ikunwainbu en Epa Diosun jabiaskadi waxanikiki.

Tsuada jawen jaibuaibuwen nuikin bechipaikin jatu medabewai mawaxunai tsuan jaskakin ana betsan binutidumaki. En jancha man chibankubainai man en jaibuki. Eskaki, en matu yunuaidan. En matuwen nuikin bechipaimiski. Jaska chibankin betsabuwen nui bechipainamekubainxankanwen.

Jaskai duapanankin Diosun kushipa man jatu kenwanmaidan, bimi ichapayai keskakin chanima en tsumabu kayabi xabakabi man ixankanaii.

nun benibaunaibu nuku ana yuikin: —Ana betsa matu yusinun ninkayukanwen. Eadan, en uva bana nia jawen taxu kayabiki. En Epadan, miban ibuan mekekin meudumiski.

Ea jaibuwama ewen pechiadan, jawen mebi bimiuma mextetan putaima badin xana washina ichawaxun kua keska wakin Diosun chi anu jatu udenxanikiki.

Shinan chankain man ebe benimajaidanunbun jawen benimati jancha en matu yuiaii.

Jawen jancha en chibanyan ea bechipaikin en Epan ea putaismaki. Jaska keskadi wakin en yunua jancha man chibanyan matu bechipaikin en matu putamadi ixanaii.

Na jaska en matu yunuai keska wakinan, jabun ea ikunwain betsabube jatuwen nui bechipainamekubainxankanwen— iwanan

ana betsa nuku yuikin: —Jabun shinain keska man shinanyan ea ikunwanbuman matu bechipaikeanaii. Jakia ikunwanbuma anua en matu katuni jabun shinain keska man ana shinanmawen taexun ea dukun dananshinxun matudi danandiaxankanikiki.