Popular Bible Verses from HECHOS 1

షేర్ చేయి

Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

Jesús jei chupe reta: —Mbaetɨ ko peve reta oñemee jókuae peikuaa vaerä. Jaeño cheRu oikuaa jókuae re.

Jare jae oï vɨteri jae reta ndive yave, oyókuai agüɨye vaerä yogüɨraja tëta guasu Jerusalén güi. Oyókuai oäro vaerä yandeRu omeeta chupe reta vae. Echa jei chupe reta: —Jókuae re chemiari ma peve. Juan oporombobautisa ɨ pe, ërei pe reta mbovɨ ara peño peyembobautisata ma Espíritu Santo pe.

Jesús omano güire, oyekuaa chupe reta jae etei, oechauka reve añetete ko oikove vae. Oyekuaa chupe reta cuarenta ara rupi, jare imiari chupe reta Tumpa iporookuaía re.

Jare Jesús opa imiari chupe reta yave, Tumpa güɨraja, jae reta omae jese ramboeve. Jayave amapɨtu oñova Jesús, jare mbaetɨ ma oecha reta.

Jare omae ñogüɨnoi ara kotɨ Jesús ojo ramboeve, mókoi kuimbae jemimonde tïiasɨ vae oyekuaa jae reta iyɨpɨ pe. Kuae reta jei chupe reta: —Kuimbae Galileaɨgua reta, ¿maera pa pemae peï ara kotɨ? Kuae Jesús oyereraja pegüi ara pe vae, jae etei ko ou yeta peecha ojo ara pe rami.