Hechos 6
6
Qanchis yanapajkunata ajllanku
1Chay p'unchaykunapi Jesucristota qhatejkuna ashkhayashajtinku, griego parlaj judiokuna thutorqanku hebreo parlaj judiokunaj contranta, imaraykuchus sapa p'unchay mikhuna rak'iypi warmisapankukunaman mana maychus kajtachu jaywasqanku.
2Ajinamanta Jesuspa chunka iskayniyoj kuraj kachankunaqa Jesusta tukuy qhatikojkunata wajyaspa, nerqanku: Mana allinchu kanman, noqayku Diospa Simi nisqanta willayta saqerparispa mikhunataraj runaman rak'inaykoqa. 3Chayrayku wawqe panakuna, qankuna ukhumanta qanchis qharikunata ajllaychej ari, mikhunata rak'inankupaj. Paykuna kachunku allin kawsayniyoj, Santo Espíritoj kamachiyninpi purejkuna, chantá yachayniyoj, yuyayniyoj ima. 4Noqaykutaj Dioswan parlarikuspallapuni kasqayku, Diospa Simi nisqanta yachachispataj, nispa.
5Chay nisqankoqa Jesuspa tukuy qhatikojkunaman allin rijch'arqa. Jinapi ajllarqanku Estebanta. Payqa Diospi sinch'ita atinikoj karqa, jinataj Santo Espíritoj kamachiyninpi purej. Chaymanta ajllallarqankutaj Felipeta, Procorota, Nicanorta, Timonta, Parmenasta, Nicolasta ima. Nicolasqa Antioquía llajtayoj karqa chaypis, judioman tukupusqa. 6Chantá wawqekunaqa ajllasqanku runakunata Jesuspa kuraj kachankunaj ñawpaqenkuman pusamorqanku. Paykunataj chay runakunarayku Diosmanta mañapuspa, makinkuta ajllasqakunaj umankuman churarqanku.
7Ajinamanta tukuynejpi runakuna Diospa Simi nisqanta uyarerqanku. Jinataj Jerusalén llajtapi Jesusta qhatikojkunaman ashkha yapakusharqanku. Jinallataj sacerdotekunamanta ashkha Jesucristopi atinikuspa, payman kutirikorqanku.
Estebanta presochanku
8Diosqa Estebanta mayta yanaparqa, atiyninwantaj kallpacharqa ima. Paytaj runaj mana jayk'aj rikusqan t'ukuna imakunata ruwaspa, yachayta qorqa Diosmanta kasqanta. 9Chaymantataj Wata Runa Kaymanta Kacharipusqa nisqa tantakuna wasimanta wakin oqharikorqanku. Paykuna ukhupi judiokuna kallarqankutaj Cirene llajtamanta, Alejandría llajtamantawan, chantá Cilicia jap'iymanta, Asia jap'iymantawan ima. Paykunataj Estebanwan churanakuyta qallarerqanku. 10Chaywanpis paykuna Estebanman mana kutichiyta aterqankuchu, imaraykuchus payqa yachaywan chantá Santo Espíritoj atiyninwan parlarqa.
11Jinapi chay runakuna llulla runakunaman qolqeta lluk'iykorqanku ninankupaj: Kay runataqa uyariyku Moisespa contranpi, Diospa contranpiwan ima rimashajta, nispa.#Mt 26.65; Mc 14.64. 12Ajinata ruwaspataj, runakuna ukhupi ch'ajwata sayaricherqanku, kurajkuna ukhupi, Diospa kamachisqanmanta yachachejkuna ukhupi ima. Tukuyninkutaj Estebanta jap'ispa, Jatun Juntaman pusarqanku.
13Chantá paykuna waj runakunata mask'allarqankutaj, llullakuspa Estebanta ch'ataykunankupaj. Chaykunataj nerqanku: Kay runaqa Temploj contranta rimallanpuni, Diospa kamachisqanpa contrantapis. 14Chantá uyarillaykutaj nejta Nazaret llajtayoj Jesusqa Templota urmachinanta, jinallataj Moisespa yachachisqan usukunata waj jinaman tukuchinanta, nispa.#6.14 Ñawpajta llullakuspa, Jesusta chay imakunamantapuni ch'ataykorqanku. Mt 26.59-61; Mc 14.57-58.
15Jatun Juntamanta kajkunarí Estebanta qhawarispa, uyanta angelpa uyan jina kasqanta rikorqanku.
ప్రస్తుతం ఎంపిక చేయబడింది:
Hechos 6: DQPC
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Revisión Biblia Quechua Boliviano © Sociedad Bíblica Boliviana, 2017.