Markus 2
2
Dit 2. Capitel.
1En hok Dagen diäreter ging hi weder īn ön Kapernaum; en dit Gerügt ging, dat hi ethüs wiär.
2En dådelkst forsåmelt sik sa manning, dat ja ek Rüm hed bütten voar Dür; en hi said jam dit Ūrd.
3En diär kam hokken tö höm, ja brågt jen, diär van di Jigt plåget wåd, en hi wåd van Vjur drain.
4En diär ja voar di Kär Lid ek tö höm kom küd, brok ja dit Tåk of, diär hi wiär, en diär ja dit ofbreken hed, let ja dit Bǟd diäl, diäron di van di Jigt plåget leid.
5Mar diär Jesus jår Glōw såg, said hi tö di van di Jigt plåget: “Min Seen din Send es di foriwen.”
6En hokken van di Skreftlirten sēt diär en tågt ön jår Hart:
7“Wat sprakt di Man sok Gotteslästering? Hokken kjen Send foriiw, üs alining Gott?”
8En Jesus markt bald ön sin Geist, dat ja sa bi jam salw tågt, en said tö jam: “Hurom tänk I sa wat ön ju Hart?”
9Wat es legter tö sien tö di, diär van di Jigt plåget ud:
“Din Send es di foriwen; of: “Stūn âp, nem din Bäd, en gung?
10Mar om dat I wēt, dat di Menskenseen Magt hēd, üp Warld di Send tö foriwen, said hi tö di van di Jigt plåget:
11Ik si di, stūn âp, nem din Bäd, en gung tüs.
12En metjens stönd hi âp, nōm sin Bǟd, en ging üt voar alle Lid, sa dat ja forfirt wåd, en priset Gott, en said: “Sa wat ha wü jit nemmer sen.”
13En hi ging alweder üt bi di See; en di hile Kär Lid kam tö höm, en hi belirt jam.
14En diär Jesus voarbiging, såg hi Levi, di Seen van Alphäus, bi di Tol setten; en said tö höm: “Fölge mi eter.” En hi stönd âp en fölligt höm eter.
15En hat kam tö pas, diär hi tö Stål sēt ön sin Hüs, sät sik vūl Tolners en Senders tö Stål me Jesus en sin Lirlings. For diär wiär manning, diär höm eterfölgt.
16En di Skreftlīrten en Farisäers, diär ja såg, dat hi me di Tolners en Senders ēt, said ja tö sin Lirlings: “Hurom et en drinkt hi me di Tolners en Senders?”
17Diär Jesus dit hjert, said hi tö jam: “Di Starken ha nīn Meister nödig, mar di Krånken. Ik sen kjemmen, om di Senders tö Bekiring tö röppen, mar ek di Rogtfardigen.
18En Johannes sin Lirlings en di Farisäers jåren fasteten vūl, en diär kam hokken, ja said tö höm: “Hurom faste di Lirlings van Johannes en van di Farisäers, en din Lirlings faste ek?”
19En Jesus said tö jam: “Hur kjen di Brödlepslid faste, sa lung üs di Bridman bi jam es? Sa lung us di Bridman bi jam es, kjen ja ek faste.”
20“Mar hat wel di Tid kom, dat di Bridman van jam nommen ūd, da wel ja faste ön di Dågen.”
21Nemmen klüttet en Lap van ni Wǟb üp en oald Kload; for di ni Lap rewt dag weder van dit oald Kload, en dit Hol ud ârger.
22En Nemmen fåtet ni Win ön oald Ledernsakker; for van di#2.22 In margine hinzugefügt: ni Win. bârst di Ledernsakker, en di Win ud spilt, en di Ledernsakker fordarve. Mar em skel ni /Win/ ön di#2.22 di— in der Handschrift steht: ni. Ledernsakker git.
23En hat kam tö pas, dat hi üp en Sabbath aur di Sīt ging, en sin Lirlings begent önt Gungen Aagsen oftöplokkin.
24En di Farisäers said tö höm: “Lukke hjir, hurom dö din Lirlings dit üp en Sabbath, wat ek rogt es?”
25En hi said tö jam: “Hå I older lesen, wat David död, diär hi-t nödig hed, en hi hungrig wiär, me al danen, diär bi höm wiär?
26Diär hi inging ön Gottes Hüs, bi Abjathar sin Tid, diär hi Opperpröst wiär, en ēt di Tübakken /Skaubroađ/, diär Nemmen üders īt dört, üs alining di Pröster; en hi död uk danen wat, diär me höm wiär.
27En hi said tö jam: “Di Sabbath es om di Mensk sin wel måket, en ek di Mensk om di Sabbaths wel.
28Sa es di Menskenseen uk en Herr aur di Sabbath.
ప్రస్తుతం ఎంపిక చేయబడింది:
Markus 2: NFNT
హైలైట్
షేర్ చేయి
కాపీ
మీ పరికరాలన్నింటి వ్యాప్తంగా మీ హైలైట్స్ సేవ్ చేయబడాలనుకుంటున్నారా? సైన్ అప్ చేయండి లేదా సైన్ ఇన్ చేయండి
Translated by Peter Michael Clemens (1804-1870)