ข้อพระคัมภีร์ยอดนิยมจาก Mberaand 1

แบ่งปัน

Maaga, Roog a laya yee: «Fat i sak o kiin, ta ref nitaal in, a nand fa in. Liƥ ke no maag ole, tiiƭ ke na asamaan, muumeen ke, lanq ke fop fo ƥood ke no lanq ke, fop no ɓay um a ndefkaa.» Roog a saka o kiin ta ref nitaal um, a nand fo ten. Roog a saka o koor, a sak o tew.

Roog a barke’a a den soo a lay a den ee: «Ndimikyo, mayƭand lanq ke, ke ta saqna fop a ref no ɓay nuun: Liƥ ke no maag ole, tiiƭ ke na asamaan fo muumeen ke na ñoowaa took lanq ke, fop no ɓay nuun a ndefkaa.»

No mberaand naa Roog a saka asamaan fo lanq.

Lanq ke o ƥor a yoq’u, too saxit’eeyo nen tig. Ke widuuna fop a fi nen poofi mayu, a niɓaan tit, Yiif le Roog a yaaraa, a yooroox poofi ke.

Maaga, Roog a laya yee: «Fat a qoolaand a jeg!» A qoolaand alaa yee dañ.

Maaga, Roog a ga’a yee ke ta fi’na fop paax oo. A yenga, a feed, ta ref ñaal ɓetuu fa lengandeer ne.

Roog a ga’a yee a qoolaand ale a faaxa, soo ta dalfoox o xaajin fo o niɓaan ole.

Roog a layahina a den ee: «Daaƭ le fo taxar ke na ndimaa fop, cooxaanum a nuun, da ndefik ñoowir nuun.

A qoolaand ale, Roog a ne’aan ñaal, o niɓaan ole, ta ne’in o yeng. Naaga a yenga, a feed, ta ref ñaal eetaand ne.

Roog a layahina yee: «Fat a qul a jeg, a xaaj poofi ke ƭik.»

Daaƭ luu andoona koy ee kaa xuƥaa, cooxaanum tiiƭ ke na asamaan fo muumeen ke na ñoowaa took lanq ke fop. Daaƭ leene na refkaa ñoowir den.» Kaaga a jegta naaga.

Roog a layahina yee: «Fat kaa na nqoolandaa a ndef na asamaan, ndax da nqaaj ñaal ne fo o yeng ole, a ndefik itam ke na limteel camaane ke fo ñaal ke fo xa kiid axe.

Roog a laya yee: «Fat lanq ke saq a nap fo daaƭ laa saqna ax fo xa qos taxar tiirim kaa na njegkaa ax.» Kaaga a jegta naaga.

Roog a fi’a a qul ale soo a xaaj poofi ke ƭik, a qaaj alene a far took, alene a lanq. Kaaga a jegta naaga.

Lanq ke a saxa a nap fo o xos daaƭ oluu refna fo ax um fo o xos ndaxar oluu refna fo ax um. Roog a ga’a yee paax oo.

Roog a fi’a qoolandir ƭik maak ke, ne moƴ’ina o magin a saq ñaal ne, ne moƴ’ina o neew a saq o yeng ole. A fi’a itam xa qoor axe.

Roog a laya yee: «Fat poofi ke ndefna ɗuga asamaan fee a mbokatoor o mbiñ o leng soo beeru ke a feeñ.» Kaaga a jegta naaga. Beeru ke Roog a ne’aan lanq, poofi pokatooru ke ta ne a den xa maag. A ga’a itam ee tig paax oo.

Roog a barke’a a den ee: «Ndimikyo, siw too mayƭandik poofi ke na xa maag axe. Fat tiiƭ ke itam a siw took lanq ke.»

Cinj kaaga, Roog a laya yee: «Fat xa qos tikoorik fop a sutoor no lanq ke, muumeeniin, ƥoodiin, ƥaaɓaaniin.» Kaaga a dalfooxa jeg.

Roog a layahina yee: «Fat tikoorik a mbeeñ no poofi ke, tiiƭ a ƭisit a lanq, a yetaa ɗuga asamaan fee.»

Roog a saka muumeen ke fo xa qos den, ƥood ke no lanq ke fop fo xa qos den fo ƥaaɓaan ke no lanq ke fo xa qos den. Roog a ga’a yee keene tig paax oo.