ข้อพระคัมภีร์ยอดนิยมจาก HAGONEGAHANI 1

แบ่งปัน

Ma hemuri God ki vi: “Ge hagavorara na enoni, ke maratoraka ma ke bâ manga igia. Ngaira ka page marungira na ega, na manu ma na marâ hato ga mauri i ano, na ani ga manata ma na ani ga vasiga, na ani ga raha ma na ani ga sisite.” I ngekana God ki hagavorara na enoni, ga maratorana. Ngaia ki hagavorara na mane ma na gete.

Ngaia ki vatera na ramoha, ki vi: “Mu apapara kare kamu rakorako, hanana na raraha iami ka tataka suria na maveta hagenani ma ka marungia. Inê kê nakagamu, kamu marungira na ega, na manu ma na marâ hato ga vasiga i ano.

Igê na haganegahana God ki hagavorara na vavearo, na ano ma na ara ni marâ hato igê.

Na ano ki mamênga vi tototo ma ki baguru. Na asi ramo ki anuia hagenani ma na mengo ki buhia. Na raramohana na manavasuana God ki rogasia na asi.

Ma God ki vi: “Ge marara.” Ma na marara ki vora me.

God ki bâsira na ara ni marâ hato i hagavorara, ma ki obakoro ngavê renira. I bungi, ki tangi ma ki hato na onota na tangiana.

God ki obakoro renia, matena i bâsia. Ma hemuri ngaia ki voasirerua hegetigi na marara ma na mengo.

Inê kê vategamu, kamu ngaugi na ani mavê na ngêra i mu ma na ani mavê na apinige ni ngauhu.

God ki hêtana na marara vi na tangiana, ma ki hêtana na mengo vi na bungiana. I bungi, ki tangi ma ki hato na tangiana gi tage.

Ma hemuri God ki vi: “Ge oga na ruma buni, hanana ge voasia na ve, ke vora gi rua.” Ma ki vora me.

Ma tangara na ani mavê na marâ vasiga i ano ma na manu hato nikâ, inê kê vatera na go ma na rauga ka ngaugi.” Nga kohanana ngekana.

Ma hemuri God ki vi: “Na marâ ga mave ke vora me i vavearo, hanana ge voasia na tangiana tenia na bungiana ma ke hagararigi na tangiani, na harisi ma na tangiani raha ni rotu.

Ma hemuri God ki vi: “Igê na mako ke vora me igê na rauga ni ngêra ma na rauga ni hunguta, na apinige ni ngêra ma na apinige ni hunguta.” Ma ka vora me.

I ngekana God ki hagavora na ruma buni

I ngekana na ano ki vunu renigi na ataka mavê na rauga ma na apinige. God ki obakoro renigi.

I ngekana God ki hagavorarerua na arito ma na hageha. Na arito hanana i marungia na tangiana. Na hageha hanana i murungia na bungiana. Ngaia ki hagavoragi nikâ na higu.

Ma hemuri God ki vi: “Ge râ me haku na ara ni ve hato i ruguhana na vavearo igê na agua gi tage, hanana i rikiriki akê na mako.” Ma ki vora me. God ki hêtana ma mako vi na ano, ma na ve ga haku igê na agua gi tage, ngaia ki hêtana vi na asi. Ma God ki obakoro renia.

God ki vatera na ramoha, i vi: “Igamu mu oga i asi ma i ve, mu apapara ma kamu rakorako, hanana i vunuvunu na ve ma na asi. Ma igamu na manu mu rakorako nogami.”

Ma hemuri God ki vi: “Igê na ano ke rako igê na ataka mavê na marâ ga mauri, na ani ga manata ma na ani ga vasiga, na ani ga raha ma na ani ga sisite.” Ma ka vora me.

Ma hemuri God ki vi: “Na asi ma na ve ke vunu renira na ataka mavê na ega, ma i haha ke vunu renira na manu.”

I ngekana God ki hagavorara ngaira hato ma ki obakoro renira.