Dibandu 10
10
Bategula baNoe
(1 Mis 15—23)
1Agugu la mukuta ubaana bababaala baNoe na bategula bogu nyidu jinokamuga: Sem, Cham na Japhet bamabura baana bababaala.
2Miina mabaana bababaala baJaphet amama: Gomer na Magog, na Madai, na Yavan, na Toubal, na Mechek na Tiras. 3Miina mabaana bababaala baGomer amama: Achekenaz, na Rifat, na Togarma. 4Miina mabaana bababaala baYavan amama: Elicha, na Tarsis na Kittim na Rodanim. 5Jogu bamabasisa nyingi tsiotsu batu; dilongu dilongu nesi mbura mbura na mbembu andi na mukuta andi.
6Miina mabaana bababaala baCham amama: Kouch, na Misraim, na Pout na Canaan. 7Miina mabaana bababaala baKouch amama: Seba na Havila na Sabta na Ragma na Sabteka. Miina mabaana bababaala baRagma amama: Saba na Dedan. 8Kouch akabura Nemrod; la jandi agumaba kaga jitega va butamba. 9Amaba murela uneni va gusu Fumu: la dibandu bamavosila rie: Avu nana Nemrod murela uneni va gusu Fumu. 10Durumu duandi dumabanda tetega o Babel te no Erek na Accad na Kalne o bulongu buChinear. 11O bulongu bueni Assyrie amapalila; amarunganga Ninive na Rehobot-Ir na Kela, 12na Ressen aguvu va gari Ninive na Kela aguvu musiengi uneni.
13Misraim akabura baLoud na baAnem na baLehab na baNaftou 14na baPatros na baKaslou na baKaptor agu baPhilistin bamapatila.
15Canaan akabura tsomi andi Sidon na Het; 16na baJebusie na baAmor na baGuirgachie, 17na baHivie na baArquie na baSinie 18na baArvadie, na baSemarie na baHamat. Va julu vana mikuta mibisi Canaan mimapansiga. 19Mandilu maCanaan mamabandila o Sidon o yiari yiGuerar te no Gaza no yiari yiSodome na Gomorrhe na Adma na Seboim te no Lecha. 20Botsu bana bavu baana bababaala baCham na mikuta miogu na mambembu na biari biogu na malongu mogu.
21Sem agumaba yiduki yiJaphet amabura baana bababaala wandi, jandi agumabura baana botsu bababaala baEber. 22Miina mabaana bababaala baSem amama: Elam na Assour na Arpaxad na Loud na Aram. 23Miina mabaana bababaala baAram amama: Ous na Houl, na Gueter na Mach. 24Arpaxad akabura Chela; na Chela akabura Eber. 25Eber amabura baana babeji bababaala: umosi diina diandi Peleg mu mbari va temu andi butamba bumagabulu, na diina dimuana nguji andi Yoctan. 26Yoctan akabura Almodad, na Chelef na Hassarmavet, na Yera, 27na Hadoram na Ouzal na Dicla, 28na Obal, na Abimael na Saba, 29na Ofir na Havila, na Yobab. Botsu bana baana bababaala baYoctan. 30Bamatsaninanga ubandila o Mecha, o yiari yiSefar te no mukongu aguvu o yiari ayi wisi epalili. 31Botsu bana baana bababaala baSem na mikuta miogu na mambembu mogu na biari biogu na malongu mogu.
32Biotsu bina la bibandu bibaana bababaala baNoe na kula tsiogu na malongu mogu. Mu jogu amumapalila malongu amamapansiga yiari na yiari o butamba buotsu yiotsu ayi nyidu jimavioga.
Kasalukuyang Napili:
Dibandu 10: PUU1992
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
La sainte Bible en langue Yipunu © Alliance Biblique du Cameroun, 1992.