Amos 1:10-12

Susunugin ko ang mga pader ng Tiro; tutupukin ko ang mga palasyo roon.” Ganito ang sabi ni Yahweh: “Paulit-ulit na nagkasala ang mga taga-Edom, kaya sila'y paparusahan ko. Hinabol nila ng tagâ ang mga kapatid nilang Israelita at hindi sila naawa kahit bahagya. Hindi naglubag ang kanilang poot kailanman. Susunugin ko ang Teman, tutupukin ko naman ang mga tanggulan sa Bozra.”