Ready to see what He has prepared just for you?

Narinig mo na siguro ang linyang, “God provides.” Not always in the way we expect, not always when we want — but always in the way we need. Pero alam mo ba kung saan ito unang nabanggit sa Bible? Nangyari ito sa buhay ni Abram — at ngayong araw, pag-uusapan natin kung paano natupad ang pangakong ito sa pagsilang ni Jesus.

God tested Abraham’s love for Him. Quick backstory: Umabot si Abraham sa katandaan nang wala pa siyang anak. Pero nangako si Lord na bibigyan siya ng sariling anak — at ito ay si Isaac, ang anak na labis niyang minamahal. Sa Genesis 22, tinawag ng Panginoon si Abraham… at hiniling ang pinakamahirap: na ialay sa Kanya ang kanyang pinakamamahal na anak bilang isang sacrifice.

Can you imagine being in Abraham’s shoes? We believe he might have wrestled with it too — tao lang din naman siya. Pero kahit mahirap, sinunod niya ang pinapagawa ng Panginoon, at dinala si Isaac paakyat sa isang bundok kung saan niya gagawin ang burnt offering. Nang tanungin siya ni Isaac kung nasaan ang tupang ihahandog, sumagot si Abraham, “Anak, ang Diyos mismo ang magbibigay sa atin ng tupang ihahandog.” (Genesis 22:8, ASD)

Pagkatapos nito, inihanda na ni Abraham ang kanyang anak para ihandog — pero pinigilan siya ng anghel ng Panginoon.

Paglingon ni Abraham, may nakita siyang isang lalaking tupa na ang mga sungay ay nasabit sa mga sanga ng kahoy. Kaya kinuha ito ni Abraham at siya ang inihandog kapalit ng kanyang anak. Tinawag ni Abraham ang lugar na iyon na “Naglalaan ang Panginoon.”(Genesis 22:13-14 ASD)

Do you know this is a picture of what happened on that first Christmas? Jesus is known as the “Lamb of God,” and nilaan Siya ng Panginoon na maging handog para sa atin, bilang kabayaran ng lahat nating kasalanan. Let’s thank Him for fulfilling His promise to provide a Lamb for the sacrifice!

Tandaan mo, isa kang miracle!