Feeling His presence? Is He near you?

Ano kayang isasagot mo kung tatanungin kita nito — malapit ba o malayo si Lord sa atin? Marami kasi sa atin ang may ganitong iniisip: na ang Diyos ay napakalayo, parang nasa langit lang at lumilipad sa mga ulap...hindi talaga part ng buhay natin every day.

But this Christmas season, we’re happy to share with you that one of the “Mga Pangakong Itinupad ng Unang Pasko” — which is our current series — is this: Lalapit Siya sa atin.

Alam mo ba ang kuwento sa Old Testament kung saan ipinakita rin ang ganitong katotohanan? Tara, basahin natin ang Genesis 28:12–14:

Ngayon, nanaginip siya na may isang hagdan na nakatayo sa lupa na abot hanggang langit. Nakita niya na akyat-baba ang mga anghel ng Diyos sa hagdan. Nakita rin niya ang Panginoon na nakatayo sa itaas ng hagdan at sinabi sa kanya, “Ako ang Panginoon, ang Diyos ni Abraham at ni Isaac. Ibibigay ko sa iyo at sa mga lahi mo ang lupaing ito na iyong hinihigaan. Ang mga lahi mo ay magiging kasindami ng alikabok sa lupa. Mangangalat sila sa ibaʼt ibang bahagi ng lupa. Sa pamamagitan mo at ng mga lahi mo, pagpapalain ko ang lahat ng tao sa mundo.

Nakikita mo ba? Nais ng Panginoon na lumapit sa atin at pagpalain tayo. Ito ang ginawa Niya kay Jacob—nagpakita Siya dito ng isang hagdan kung saan umaakyat-baba ang mga anghel. Siya mismo ang kumausap kay Jacob at nangakong pagpapalain siya.

Paano kaya ito natupad ng unang Pasko? Pinadala Niya ang sariling Anak na parang bumaba mula sa langit gamit ang hagdan na umaabot sa lupa—bilang tao, katulad natin, at higit pa roon, bilang isang sanggol. Pero Siya ang naging daan para pagpalain tayo ni Lord.

Let’s pray this today, “Lord, thank You for coming to us.”

Tandaan mo, isa kang miracle!