Ang Alay Ni Jesus

Generosity

Ini-Enjoy Ka Ni God

ANG MGA HULING SALITA NI JESUS: Pitong Pagbubulay Para sa Mahal na Araw

Mga Palatandaan at Simbolo na Nakapalibot sa Krus | Mga Pag-iisipan Ngayong Mahal na Araw mula Linggo ng Palaspas hanggang Linggo ng Muling Pagkabuhay

Walang Katulad Si Jesus

Ang 7 Last Words Ni Jesus

Buhay Si Jesus!

Mga Paglalarawan Ni Jesus Sa Sarili

New Blue Jeans Reading Plan

<div class="version vid399 iso6393tgl" data-vid="399" data-iso6393="tgl">
 <div class="book bkLUK">
 <div class="chapter ch11" data-usfm="LUK.11">
 <div class="label">11</div><div class="s">Itinuro ni Jesus ang Tamang Pananalangin</div><div class="r">(Mt. 6:9-13; 7:7-11)</div><div class="p"> 1Minsan, nanalangin si Jesus sa isang lugar. Nang siya'y matapos, sinabi ng isa sa kanyang mga alagad, &#8220;Panginoon, turuan nga po ninyo kaming manalangin, tulad ng ginawa ni Juan sa kanyang mga alagad.&#8221; 2Sinabi ni Jesus sa kanila, &#8220;Kung kayo'y mananalangin, sabihin ninyo,</div><div class="q1">&#8216;Ama, sambahin nawa ang iyong pangalan.</div><div class="q2">Nawa'y maghari ka sa amin.</div><div class="q2"> 3Bigyan mo kami ng aming kakainin sa araw-araw.#3 kakainin sa araw-araw: o kaya'y kakainin para bukas.</div><div class="q2"> 4At patawarin mo kami sa aming mga kasalanan, sapagkat pinapatawad namin ang bawat nagkakasala sa amin.</div><div class="q1">At huwag mo kaming hayaang matukso.&#8217;&#8221;</div><div class="p"> 5Sinabi pa rin niya sa kanila, &#8220;Ipalagay nating isang hatinggabi, isa sa inyo'y nagpunta sa isa ninyong kaibigan at nakiusap, &#8216;Kaibigan, bigyan mo muna ako ng tatlong tinapay. 6Dumating kasi ang isa kong kaibigang naglalakbay at wala akong maihain sa kanya!&#8217; 7At ganito naman ang sagot ng kaibigan mong nasa loob ng bahay, &#8216;Huwag mo na akong gambalain! Nakatrangka na ang pinto at nakahiga na kami ng aking mga anak. Hindi na ako makakabangon para bigyan ka ng iyong kailangan.&#8217; 8Sinasabi ko sa inyo, hindi man siya bumangon dahil sa kanilang pagiging magkaibigan, babangon siya upang ibigay ang hinihingi ng kaibigan dahil sa pagpupumilit nito. 9Kaya't sinasabi ko sa inyo, humingi kayo at kayo'y bibigyan; humanap kayo at kayo'y makakatagpo; kumatok kayo at kayo'y pagbubuksan. 10Sapagkat ang bawat humihingi ay tatanggap; ang bawat humahanap ay makakatagpo; at ang bawat kumakatok ay pagbubuksan. 11Kayong mga ama, bibigyan ba ninyo ng ahas ang inyong anak kung ito'y humihingi ng isda? 12Bibigyan ba ninyo siya ng alakdan kung siya'y humihingi ng itlog? 13Kung kayong masasama ay marunong magbigay ng mabubuting bagay sa inyong mga anak, gaano pa kaya ang inyong Ama na nasa langit! Ibibigay niya ang Espiritu Santo sa mga humihingi sa kanya!&#8221;#13 ang inyong Ama&#8230;kanya: Sa ibang manuskrito'y ang inyong Ama. Ibibigay niya ang Espiritu Santo mula sa langit.</div><div class="s">Pinagbintangang si Jesus ay mula kay Beelzebul</div><div class="r">(Mt. 12:22-30; Mc. 3:20-27)</div><div class="p"> 14Minsan, pinalayas ni Jesus ang isang demonyo mula sa isang lalaking pipi. Nang nakapagsalita ito, ang mga tao ay humanga kay Jesus. 15Subalit#Mt. 9:34; 10:25. sinabi naman ng ilan sa mga naroon, &#8220;Nakapagpalayas siya ng mga demonyo sa pamamagitan ng kapangyarihan ni Beelzebul, ang pinuno ng mga demonyo.&#8221;</div><div class="p"> 16May#Mt. 12:38; 16:1; Mc. 8:11. ilan namang, sa pagnanais na siya'y subukin, patuloy na humihiling na magpakita siya ng isang himalang mula sa langit. 17At dahil alam ni Jesus ang kanilang iniisip, sinabi niya sa kanila, &#8220;Ang kahariang nahahati sa magkakalabang pangkat ay babagsak at ang sambahayang nag-aaway-away ay mawawasak. 18Kung may mga pangkat sa kaharian ni Satanas na naglalaban-laban, paano mananatili ang kanyang kaharian? Sinasabi ninyong nagpapalayas ako ng mga demonyo sa kapangyarihan ni Beelzebul. 19Kung sa kapangyarihan ni Beelzebul ako nagpapalayas ng mga demonyo, sa kaninong kapangyarihan naman nagpapalayas ng demonyo ang inyong mga tagasunod? Sila na rin ang magpapatunay na mali kayo. 20Nagpapalayas ako ng mga demonyo sa kapangyarihan ng Diyos, at ito'y nangangahulugang dumating na sa inyo ang kaharian ng Diyos.</div><div class="p"> 21&#8220;Kapag ang isang taong malakas ay nagbabantay sa kanyang bahay na dala ang kanyang mga sandata, ligtas ang kanyang mga ari-arian. 22Ngunit kung salakayin siya ng isang taong higit na malakas kaysa kanya, sasamsamin nito ang mga sandatang kanyang inaasahan at ipamamahagi nito ang mga inagaw na ari-arian.</div><div class="p"> 23&#8220;Ang#Mc. 9:40. hindi ko kakampi ay kalaban ko, at ang hindi ko kasamang nag-iipon ay nagkakalat.&#8221;</div><div class="s">Ang Pagbabalik ng Masamang Espiritu</div><div class="r">(Mt. 12:43-45)</div><div class="p"> 24&#8220;Kapag umalis sa tao ang isang masamang espiritu, nagpapagala-gala ito sa mga tigang na lugar at naghahanap ng mapagpapahingahan. Kapag wala siyang makita, sasabihin niya sa sarili, &#8216;Babalik ako sa bahay na aking pinanggalingan.&#8217; 25Sa pagbabalik niya ay matatagpuan niyang malinis at maayos ang bahay. 26Kaya't, lalabas siyang muli at magsasama ng pito pang espiritung mas masasama kaysa kanya. Papasok sila at maninirahan doon, kaya't mas masama pa kaysa dati ang kalagayan ng taong iyon.&#8221;</div><div class="s">Ang Tunay na Mapalad</div><div class="p"> 27Habang nagsasalita si Jesus, may isang babaing sumigaw mula sa karamihan, &#8220;Mapalad ang babaing nagbuntis at nag-alaga sa iyo.&#8221;</div><div class="p"> 28Ngunit sumagot siya, &#8220;Higit na mapalad ang mga nakikinig sa salita ng Diyos at tumutupad nito!&#8221;</div><div class="s">Si Jesus ang Palatandaang Mula sa Langit</div><div class="r">(Mt. 12:38-42)</div><div class="p"> 29Nang#Mt. 16:4; Mc. 8:12. dumagsa ang mga tao, sinabi ni Jesus, &#8220;Napakasama ng mga tao sa panahong ito. Naghahanap sila ng palatandaang mula sa langit, subalit walang palatandaang ipapakita sa kanila maliban sa nangyari kay Jonas. 30Kung#Jon. 3:4. paanong si Jonas ay naging isang palatandaan sa mga taga-Nineve, gayundin naman, ang Anak ng Tao ay magiging isang palatandaan sa lahing ito. 31Sa#1 Ha. 10:1-10; 2 Cro. 9:1-12. Araw ng Paghuhukom, sasaksi ang Reyna ng Sheba laban sa lahing ito, sapagkat naglakbay siya mula pa sa dulo ng daigdig upang mapakinggan ang karunungan ni Solomon, ngunit ang naririto ngayon ay higit na dakila kaysa kay Solomon. 32Sa#Jon. 3:5. Araw ng Paghuhukom, sasaksi ang mga taga-Nineve laban sa lahing ito, sapagkat nagsisi sila dahil sa pangangaral ni Jonas. Pakinggan ninyo, lalong dakila kay Jonas ang naririto ngayon.&#8221;</div><div class="s">Ang Ilaw ng Katawan</div><div class="r">(Mt. 5:15; 6:22-23)</div><div class="p"> 33&#8220;Walang#Mt. 5:15; Mc. 4:21; Lu. 8:16. nagsisindi ng ilaw upang itago lamang iyon, o kaya'y ilagay sa ilalim ng malaking takalan.#33 o kaya'y ilagay sa ilalim ng malaking takalan: Sa ibang manuskrito'y hindi nakasulat ang mga salitang ito. Inilalagay ang ilaw sa talagang patungan upang matanglawan ang mga pumapasok sa bahay. 34Ang iyong mata ang ilawan ng iyong katawan. Kung malinaw ang iyong mata, maliliwanagan ang buo mong katawan. Ngunit kung malabo ang iyong mata, ang buo mong katawan ay mapupuno ng kadiliman. 35Kaya't mag-ingat ka, baka ang liwanag na inaakala mong nasa iyo ay kadiliman pala. 36Kung nasa liwanag ang buo mong katawan at walang bahaging nasa dilim, magliliwanag itong parang isang ilawan na tumatanglaw sa iyo.&#8221;</div><div class="s">Tinuligsa ni Jesus ang mga Tagapagturo ng Kautusan at ang mga Pariseo</div><div class="r">(Mt. 23:1-36; Mc. 12:38-40)</div><div class="p"> 37Pagkatapos magsalita, si Jesus ay inanyayahan ng isang Pariseo upang kumain sa bahay niya. Nagpaunlak si Jesus at dumulog sa hapag. 38Nagulat ang Pariseo nang makita niyang si Jesus ay hindi muna naghugas ng kamay. 39Sinabi sa kanya ng Panginoon, &#8220;Kayong mga Pariseo, hinuhugasan ninyo ang labas ng baso at ng pinggan, ngunit ang loob ninyo'y punung-puno ng kasakiman at kasamaan. 40Mga hangal! Hindi ba't ang lumikha ng nasa labas ang siya ring lumikha ng nasa loob? 41Ipamahagi muna ninyo sa mga dukha ang laman ng inyong mga baso at pinggan, at magiging malinis ang lahat ng bagay para sa inyo.</div><div class="p"> 42&#8220;Kahabag-habag#Lev. 27:30. kayong mga Pariseo! Ibinibigay ninyo ang ikasampung bahagi ng yerbabuena, ruda, at iba pang halamang panimpla sa pagkain, ngunit kinakaligtaan naman ninyo ang katarungan at ang pag-ibig ng Diyos. Tamang gawin ninyo ang una, ngunit hindi ninyo dapat kaligtaan ang ikalawa.</div><div class="p"> 43&#8220;Kahabag-habag kayong mga Pariseo! Mahihilig kayo sa mga upuang pandangal sa mga sinagoga, at ibig ninyong pagpugayan kayo sa mga palengke. 44Kahabag-habag kayo sapagkat para kayong mga libingang walang tanda kaya't tinutuntungan ng mga tao nang hindi nila namamalayan.&#8221;</div><div class="p"> 45Sinabi sa kanya ng isa sa mga dalubhasa sa kautusang Judio, &#8220;Guro, sa sinabi ninyong iyan, pati kami'y kinukutya ninyo.&#8221;</div><div class="p"> 46Sinagot naman siya ni Jesus, &#8220;Kahabag-habag din kayo, mga dalubhasa sa kautusan! Pinagpapasan ninyo ng mabibigat na dalahin ang mga tao, ngunit ni daliri ay ayaw ninyong igalaw upang matulungan sila. 47Kahabag-habag kayo! Ipinagpapatayo pa ninyo ng magagarang libingan ang mga propetang pinatay ng inyong mga ninuno. 48Sa gayon, kayo na rin ang nagpapatunay na sang-ayon kayo sa ginawa ng inyong mga ninuno, sapagkat sila ang pumatay sa mga propeta at kayo naman ang nagtatayo ng libingan ng mga ito. 49Dahil dito'y sinabi rin ng Karunungan ng Diyos, &#8216;Magsusugo ako sa kanila ng mga propeta at mga apostol; ang ilan ay papatayin nila at ang iba nama'y uusigin.&#8217; 50Sa gayon, pananagutan ninyong mga nabubuhay sa panahong ito ang pagpatay sa lahat ng mga propetang pinatay mula nang likhain ang daigdig, 51magmula#Gen. 4:8; 2 Cro. 24:20-21. kay Abel hanggang kay Zacarias na pinatay sa pagitan ng dambana at ng Templo. Oo, sinasabi ko sa inyo, kayong mga nabubuhay sa panahong ito, mananagot kayo sa kanilang pagkamatay.</div><div class="p"> 52&#8220;Kahabag-habag kayo, mga dalubhasa sa kautusan! Sapagkat ipinagkakait ninyo ang susi ng kaalaman. Hindi na nga kayo pumapasok, hinahadlangan pa ninyo ang mga ibang nais pumasok.&#8221;</div><div class="p"> 53Pagkaalis ni Jesus sa lugar na iyon, nagsimula na siyang tuligsain ng mga tagapagturo ng Kautusan at Pariseo. Malimit nilang tanungin siya tungkol sa maraming bagay 54upang masilo siya sa pamamagitan ng kanyang pananalita.</div>
 </div>
 </div>
</div>

LucasHalimbawa

Banal na Kasulatan

Tungkol sa Gabay na ito

Mga Kaugnay na Gabay