Ini-Enjoy Ka Ni God

Mga Paglalarawan Ni Jesus Sa Sarili

Ang 7 Last Words Ni Jesus

Generosity

New Blue Jeans Reading Plan

ANG MGA HULING SALITA NI JESUS: Pitong Pagbubulay Para sa Mahal na Araw

Mga Palatandaan at Simbolo na Nakapalibot sa Krus | Mga Pag-iisipan Ngayong Mahal na Araw mula Linggo ng Palaspas hanggang Linggo ng Muling Pagkabuhay

Buhay Si Jesus!

Ang Alay Ni Jesus

Walang Katulad Si Jesus

<div class="version vid399 iso6393tgl" data-vid="399" data-iso6393="tgl">
 <div class="book bkLUK">
 <div class="chapter ch13" data-usfm="LUK.13">
 <div class="label">13</div><div class="s">Magsisi Upang Hindi Mapahamak</div><div class="p"> 1Dumating noon ang ilang tao at ibinalita kay Jesus na ipinapatay ni Pilato ang ilang mga taga-Galilea habang ang mga ito'y naghahandog sa Diyos. 2Sinabi niya sa kanila, &#8220;Akala ba ninyo, dahil sa sinapit nilang iyon, higit silang masama kaysa sa ibang mga taga-Galilea? 3Hindi! Ngunit sinasabi ko sa inyo, malibang magsisi kayo't talikuran ang inyong mga kasalanan, mapapahamak din kayong lahat. 4At ang labing-walong namatay nang mabagsakan ng tore sa Siloe, sa akala ba ninyo'y higit silang makasalanan kaysa sa ibang naninirahan sa Jerusalem? 5Hindi! Ngunit sinasabi ko sa inyo, malibang magsisi kayo't talikuran ang inyong mga kasalanan, mapapahamak din kayong tulad nila.&#8221;</div><div class="s">Ang Talinhaga ng Puno ng Igos</div><div class="p"> 6Sinabi pa sa kanila ni Jesus ang talinhagang ito. &#8220;May isang taong may tanim na puno ng igos sa kanyang ubasan. Minsan, tiningnan niya kung may bunga ang puno, ngunit wala siyang nakita. 7Dahil dito, sinabi niya sa tagapag-alaga ng ubasan, &#8216;Tatlong taon na akong pumaparito at naghahanap ng bunga sa punong ito, ngunit wala akong makita. Putulin mo na't nakakasikip lang iyan!&#8217; 8Ngunit sumagot ang tagapag-alaga, &#8216;Huwag po muna nating putulin ngayon. Huhukayan ko po ang palibot at lalagyan ng pataba, 9baka sakaling mamunga na sa susunod na taon. Kung hindi pa, saka po ninyo ipaputol.&#8217;&#8221;</div><div class="s">Pinagaling ni Jesus ang Babaing Kuba</div><div class="p"> 10Isang Araw ng Pamamahinga, si Jesus ay nagtuturo sa isang sinagoga. 11May isang babae roon na labing-walong taon nang may karamdamang sanhi ng isang masamang espiritu. Siya'y nakukuba at hindi na makaunat. 12Nang siya'y makita ni Jesus, tinawag siya at sinabi, &#8220;Magaling ka na sa iyong karamdaman.&#8221; 13Ipinatong ni Jesus ang kanyang mga kamay sa babae, at noon di'y naibalik ang dati niyang postura at nagsimula siyang magpuri sa Diyos.</div><div class="p"> 14Ngunit#Exo. 20:9-10; Deut. 5:13-14. nagalit ang tagapamahala ng sinagoga sapagkat nagpagaling si Jesus sa Araw ng Pamamahinga. Kaya't sinabi nito sa mga tao, &#8220;May anim na araw na inilaan upang kayo'y magtrabaho. Sa mga araw na iyon kayo pumarito upang magpagaling ng mga sakit at huwag sa Araw ng Pamamahinga.&#8221;</div><div class="p"> 15Sinagot siya ng Panginoon, &#8220;Mga mapagkunwari! Hindi ba't kinakalag ninyo sa sabsaban ang inyong baka o asno at dinadala sa painuman kahit sa Araw ng Pamamahinga? 16Ang anak na ito ni Abraham ay ginapos ni Satanas sa loob ng labing-walong taon. Hindi ba dapat siyang kalagan kahit na sa Araw ng Pamamahinga?&#8221; 17Napahiya ang lahat ng kumakalaban kay Jesus dahil sa isinagot niya. Natuwa naman ang mga tao dahil sa lahat ng mga kahanga-hangang bagay na ginawa niya.</div><div class="s">Ang Talinhaga ng Buto ng Mustasa</div><div class="r">(Mt. 13:31-32; Mc. 4:30-32)</div><div class="p"> 18Sinabi ni Jesus, &#8220;Ano ang katulad ng kaharian ng Diyos? Saan ko ito maihahambing? 19Ang katulad nito'y isang buto ng mustasa na itinanim ng isang tao sa kanyang halamanan. Ito'y lumaki hanggang sa maging isang punongkahoy, at ang mga ibon ay nagpupugad sa mga sanga nito.&#8221;</div><div class="s">Ang Talinhaga ng Pampaalsa</div><div class="r">(Mt. 13:33)</div><div class="p"> 20Sinabi pa ni Jesus, &#8220;Saan ko ihahambing ang paghahari ng Diyos? 21Ito ay katulad ng pampaalsa na inihalo ng isang babae sa tatlong bakol na harina,#21 tatlong bakol na harina: Ang katumbas na timbang ng tatlong bakol na harinang ito ay halos apatnapung litro. kaya't umaalsa ang buong masa.&#8221;</div><div class="s">Ang Makipot na Pintuan</div><div class="r">(Mt. 7:13-14, 21-23)</div><div class="p"> 22Nagpatuloy si Jesus sa kanyang paglalakbay, at siya'y nagtuturo sa bawat bayan at nayon na kanyang dinaraanan papuntang Jerusalem. 23Minsan may nagtanong sa kanya, &#8220;Ginoo, kakaunti po ba ang maliligtas?&#8221;</div><div class="p">Sinabi niya sa kanila, 24&#8220;Pagsikapan ninyong makapasok sa makipot na pintuan. Sinasabi ko sa inyo, marami ang magpupumilit pumasok ngunit hindi makakapasok. 25Kapag ang pinto ay isinara na ng pinuno ng sambahayan, magtitiis kayong nakatayo sa labas at katok nang katok. Sasabihin ninyo, &#8216;Panginoon, papasukin po ninyo kami.&#8217; Ngunit sasabihin niya sa inyo, &#8216;Hindi ko kayo kilala!&#8217; 26Sasabihin naman ninyo, &#8216;Kumain po kami at uminom na kasalo ninyo, at nagturo pa kayo sa aming mga lansangan.&#8217; 27Sasagot#Awit 6:8. naman siya, &#8216;Hindi ko kayo kilala! Lumayo kayo sa akin, kayong lahat na gumagawa ng kasamaan!&#8217; 28Iiyak#Mt. 22:13; 25:30. #Mt. 8:11-12. kayo at magngangalit ang mga ngipin kapag nakita ninyong nasa kaharian ng Diyos sina Abraham, Isaac at Jacob, at ang lahat ng propeta, habang kayo nama'y ipinagtatabuyan! 29Darating ang mga tao buhat sa silangan at sa kanluran, sa hilaga at sa timog, at kakain sa handaan sa kaharian ng Diyos. 30Tunay#Mt. 19:30; 20:16; Mc. 10:31. ngang may nahuhuling mauuna, at may nauunang mahuhuli.&#8221;</div><div class="s">Ang Pagmamahal ni Jesus Para sa Jerusalem</div><div class="r">(Mt. 23:37-39)</div><div class="p"> 31Dumating noon ang ilang Pariseo at sinabi nila kay Jesus, &#8220;Umalis na kayo rito dahil gusto kayong ipapatay ni Herodes.&#8221;</div><div class="p"> 32Subalit sumagot siya, &#8220;Sabihin ninyo sa lalaking iyon na nagpapalayas pa ako ngayon ng mga demonyo at nagpapagaling ng mga maysakit. Gayundin ang gagawin ko bukas, at sa ikatlong araw ay tatapusin ko ang aking gawain. 33Ngunit dapat akong magpatuloy sa aking lakad ngayon, bukas, at sa makalawa, sapagkat hindi dapat mamatay sa labas ng Jerusalem ang isang propeta.</div><div class="p"> 34&#8220;Jerusalem, Jerusalem! Pinapatay mo ang mga propeta at binabato ang mga isinugo ko sa iyo! Ilang beses kong sinikap na kupkupin ang iyong mga anak, gaya ng pag-aaruga ng isang inahin sa kanyang mga sisiw, ngunit ayaw mo. 35Kaya't#Awit 118:26. pababayaan nang lubusan ang iyong Templo. Sinasabi ko sa iyo, hindi mo na ako makikita hanggang sa dumating ang oras na sasabihin mo, &#8216;Pinagpala ang dumarating sa pangalan ng Panginoon!&#8217;&#8221;</div>
 </div>
 </div>
</div>

<div class="version vid399 iso6393tgl" data-vid="399" data-iso6393="tgl">
 <div class="book bkLUK">
 <div class="chapter ch14" data-usfm="LUK.14">
 <div class="label">14</div><div class="s">Pinagaling ni Jesus ang Lalaking may Manas</div><div class="p"> 1Isang Araw ng Pamamahinga, si Jesus ay inanyayahang kumain sa bahay ng isang pinuno ng mga Pariseo, at binabantayan nilang mabuti ang kanyang mga kilos. 2Lumapit kay Jesus ang isang lalaking may manas. 3Kaya't tinanong niya ang mga Pariseo at ang mga dalubhasa sa kautusang Judio, &#8220;Naaayon ba sa Kautusan ang magpagaling sa Araw ng Pamamahinga o hindi?&#8221;</div><div class="p"> 4Ngunit hindi sila umimik, kaya't hinawakan ni Jesus ang maysakit, pinagaling ito at saka pinauwi. 5Pagkatapos#Mt. 12:11. ay sinabi niya sa kanila, &#8220;Kung ang inyong anak o ang inyong baka ang nahulog sa balon, hindi ba't iaahon ninyo ito kaagad kahit Araw ng Pamamahinga?&#8221;</div><div class="p"> 6Hindi sila nakasagot sa tanong na ito.</div><div class="s">Pagmamataas at Pagpapakumbaba</div><div class="p"> 7Napansin ni Jesus na ang pinipili ng mga panauhin ay ang mga upuang pandangal. Kaya't sinabi niya ang talinhagang ito sa kanila. 8&#8220;Kapag#Kaw. 25:6-7. inanyayahan ka sa isang kasalan, huwag kang uupo agad sa upuang pandangal. Baka may inanyayahang mas marangal kaysa sa iyo. 9Baka lapitan ka ng nag-anyaya sa inyong dalawa at sabihin sa iyo, &#8216;Maaari bang ibigay mo ang upuang iyan sa taong ito?&#8217; Sa gayon, mapapahiya ka at doon ka uupo sa pinakaabang upuan. 10Mabuti pa, kapag naanyayahan ka, doon ka muna maupo sa pinakaabang upuan. Kapag lumapit sa iyo ang nag-anyaya at kanyang sinabi, &#8216;Kaibigan, dito ka sa kabisera,&#8217; mapaparangalan ka sa harap ng lahat ng mga panauhin. 11Sapagkat#Mt. 23:12; Lu. 18:14. ang nagmamataas ay ibabab&#226;, at ang nagpapakumbab&#225; ay itataas.&#8221;</div><div class="p"> 12Sinabi naman ni Jesus sa nag-anyaya sa kanya, &#8220;Kapag naghahanda ka ng isang salu-salo, huwag ang iyong mga kaibigan, mga kapatid, mga kamag-anak o mayayamang kapitbahay ang aanyayahan mo, dahil aanyayahan ka rin nila at masusuklian na ang iyong ginawa. 13Subalit kapag ikaw ay maghahanda, anyayahan mo ang mga mahihirap, mga lumpo, mga pilay, at mga bulag. 14Kapag ganito ang ginawa mo, magiging mapalad ka, dahil hindi man nila masuklian ang ginawa mo, ang Diyos ang magbibigay sa iyo ng gantimpala sa muling pagkabuhay ng mga banal.&#8221;</div><div class="s">Ang Talinhaga ng Malaking Handaan</div><div class="r">(Mt. 22:1-10)</div><div class="p"> 15Narinig ito ng isa sa mga kasalo niya roon, at sinabi sa kanya, &#8220;Mapalad ang makakasalo sa hapag sa kaharian ng Diyos!&#8221;</div><div class="p"> 16Sumagot si Jesus, &#8220;Isang lalaki ang naghanda ng isang malaking salu-salo, at marami siyang inanyayahan. 17Nang dumating ang oras ng handaan, inutusan niya ang kanyang mga alipin at ipinasabi sa mga inanyayahan, &#8216;Halina kayo, handa na ang lahat!&#8217; 18Ngunit nagdahilan silang lahat. Ang sabi ng una, &#8216;Nakabili ako ng bukid at kailangan ko itong puntahan. Kayo na sana ang bahalang magpaumanhin sa akin.&#8217; 19Sinabi naman ng isa, &#8216;Nakabili ako ng limang pares ng kalabaw at kailangang masubukan ko sa bukid ang mga iyon. Kayo na sana ang bahalang magpaumanhin sa akin.&#8217; 20Sinabi naman ng isa, &#8216;Ako'y bagong kasal, kaya't hindi ako makakadalo.&#8217;</div><div class="p"> 21&#8220;Bumalik ang alipin at ibinalita ito sa kanyang panginoon. Nagalit ang panginoon at sinabi sa alipin, &#8216;Magmadali kang pumunta sa mga lansangan at sa makikipot na daan ng lunsod at isama mo rito ang mga mahihirap, mga lumpo, mga bulag, at mga pilay.&#8217; 22At sinabi ng alipin, &#8216;Panginoon, nagawa ko na po ang iniutos ninyo, ngunit marami pang bakanteng upuan.&#8217; 23Kaya't sinabi ng panginoon sa alipin, &#8216;Pumunta ka sa mga lansangan at sa mga daan, at pilitin mong pumarito ang sinumang makita mo upang mapuno ang aking bahay. 24Sinasabi ko sa inyo, isa man sa mga unang inanyayahan ay hindi makakatikim ng aking handa!&#8217;&#8221;</div><div class="s">Ang Pagiging Alagad</div><div class="r">(Mt. 10:37-38)</div><div class="p"> 25Sumama kay Jesus ang napakaraming tao; humarap siya sa kanila at kanyang sinabi, 26&#8220;Hindi#Mt. 10:37. maaaring maging alagad ko ang sinumang umiibig sa kanyang ama at ina, asawa at mga anak, mga kapatid, at maging sa sarili niyang buhay nang higit sa akin. 27Ang#Mt. 10:38; 16:24; Mc. 8:34; Lu. 9:23. ayaw magpasan ng sarili niyang krus at sumunod sa akin ay hindi maaaring maging alagad ko.</div><div class="p"> 28&#8220;Kung ang isa sa inyo'y nagbabalak na magtayo ng tore, hindi ba siya uupo muna upang magplano at kuwentahin kung magkano ang magagastos niya upang matiyak kung may sapat siyang pera para maipatapos ang kanyang ipapatayo? 29Baka matapos mailagay ang mga pundasyon ay hindi naman mayari ang tore. Siya'y kukutyain lamang ng lahat ng makakakita niyon. 30Sasabihin nila, &#8216;Ang taong ito'y nagsimulang magtayo ngunit hindi naman naipatapos.&#8217;</div><div class="p"> 31&#8220;O sinong hari na makikipagdigma sa kapwa hari ang hindi muna mauupo upang pag-aralang mabuti kung ang sampung libong kawal niya ay maisasagupa sa kalaban na may dalawampung libong kawal? 32At kung hindi niya kaya, malayo pa ang kalaban ay magsusugo na siya ng mga kinatawan upang makipagkasundo. 33Gayundin naman, hindi maaaring maging alagad ko ang sinuman kung hindi niya tatalikuran ang lahat sa kanyang buhay.</div><div class="s">Asin na Walang Alat</div><div class="r">(Mt. 5:13; Mc. 9:50)</div><div class="p"> 34&#8220;Mabuti ang asin, ngunit kung ang asin ay mawalan na ng alat, paano pa ito mapapaalat muli? 35Wala itong kabutihang maibibigay sa lupa, o kahit sa tambakan man ng dumi, kaya't ito'y itinatapon na lamang. Makinig ang may pandinig!&#8221;</div>
 </div>
 </div>
</div>

LucasHalimbawa

Banal na Kasulatan

Tungkol sa Gabay na ito

Mga Kaugnay na Gabay