Лука 8 Popüler Kutsal Kitap Ayetleri

Paylaş

Сән урһцта һазрт унсн буудя гиснь – Бурхна үг соңсад, седклдән хадһлад, бийән батар тесвртәһәр бәрдг, дала урһц өгдг улс, – гив.

Зәрм әмтн Бурхна үг соңсна, зуг җирһлин килмҗд, зөөрт, байрт даргдад Бурхна йоснд олзта биш болна. Тедн хатханчг заагт унсн буудя мет.

Чолута һазрт унсн буудя гисн иим әмтн: тедн ик байртаһар үг соңсад, седклдән авна. Зуг тер үгмүд уңг-көрң уга экнлә әдл болна. Әмтн тер үгд бичкн зуур иткнә, зуг ик зовлң сөрлһн ирхлә, тесҗ чадхш.

– Тана иткл альдв? – гиҗ Исус сурһульчнрасн сурв. Тедн әәһәд өврәд, нег-негнәсн сурцхав: – Салькнд чигн, уснд чигн эн зәрлг болна, тедн үгинь соңсна. Кен гидг күмб эн?

Хаалһ деер унсн буудя гисн – иим әмтн, тедн Бурхна үг соңсна, зуг тедниг иткҗ әмән бичә авртха гиһәд эрлг ирәд, теднә зүркнәс Бурхна үгмүдиг булаҗ авад йовҗ одна.

Нег чигн эс илдкгдсн нууц юмн уга, әмтнәс бултулҗ эс медүлсн нег чигн юмн уга.

Тиигхлә күүкд күн әмтнд бийән медүллго бәәҗ чадшгоһан үзәд, Исус тал өөрдәд, көлднь чичрәд унв. Олн әмтнә өмн тер яһҗ Исуст һарарн күрәд, тер дарунь эдгсән келҗ өгв. Тиигхлә Исус терүнд келв: – Күүкн минь! Чини иткл чамаг эдгәв. Амулң менд йов!

Сурһульчнр Исус тал өөрдәд: – Багш! Багш! Бидн уснд чивн гиҗәнәвидн, – гиҗ Терүг серүлв. Исус серәд, салькиг болн дольгаг хөрв. Салькн көдлхән уурв, эргндк бәәдл тогтнв.