Популярні біблійні вірші з Koroŋ Ta Boozomen Un 3

Поділитись

Moori ire ke tana ŋonoono na, kembei ambai pa kanŋana. Tabe mata berber pa. Mi isombe ke tana ŋonoono ko ikam le ŋgar. Tana ikam mi ikan. Mi ikam waene ta ziru timbotmbot na kana ma ikan tomini.

Mooto, ni tomini imbotmbot mokleene. Mi ni le ŋgar biibi kat pa pakaamŋana ma ilip pa koroŋ boozomen ta Merere Anutu iur zin na. Aigule ta na, ni imaŋga mi iwi moori. Iso: “Parei, Anutu iŋgalsek pa niomru be kakan ke ŋonoono sa ta imbot mokleene tiŋgi pepe? Ina ŋonoono?”

Mi nio ko aŋkam ma niomru moori kaparwe koyom koi. Mi popoŋana ku mi popoŋana kini ko tiparwe kan koi tomini. Popoŋana kini sa ko ipapaala utem, mi nu ŋase pa kumbu dibiini.”

Mi moori na, Anutu iso pini ta kembei: “Nu sombe kopom, nako pataŋana ikamu. Mi sombe kam tomtom, na nio ko aŋkam ma re yoyouŋana biibi kat. Tamen ŋgar ku ko iko pa waem na som. Mi nu ko mbot la ni kopo mbarmaana mi ni imboro u.”

Tana ko mbel uraata ma kom uze ipet, tona ndeeŋe kom kini. Mi ko tekteegi ta kembena ma irao meete mi sula mini toono. Pa nu tina, nio aŋbuuzu u pa toono. Tana ko miili mini pa toono. Pa nu sa toono na.”

Mi Adam na, Anutu iso pini ta kembei: “Nu leŋ la waem kalŋaana, mi kan ke ŋonoono ta aŋur ŋgalseki pa na. Uunu ku tana, ta ikam ma iŋgi be aŋpasaana toono i. Mazwaana ta so nu mbotmbot su toono, nako kam uraata ma biibi, to ndeeŋe kom kini.

To Anutu iwi i ma iso: “Asiŋ iso u ta kembena? Nu tana, ke tau aŋur ŋgalseki pu be kan pepe, ta ko kan sa kek, na?”

Iziiri zin ma tipet, to iur aŋela mbolŋan ma timbot la mokleene Eden zilŋaana ta imbot la ki zoŋ uunu na, ramaki buza ta you ikanan la mi itortoori, bekena tipakaala zaala ta ila pa ke ki mbotŋana mata yaryaaraŋana.

Tomooto na, ni ipaata kusiini zaana be Eba. Paso, ni iwe tomtom ta boozomen nan.