Популярні біблійні вірші з TADPADBO 2

Поділитись

Sichiu paliugu magenthiu chariubo khuanse Tingwang niu chiuluboga paniu Abraham, Isaac khatdi Jacob paliu khuga ladriat khaibose maningtao khaide. Paniu Israel maidunggu kavang thiubo lunlungse ngaolujiu paliuleng manang khai bide.

Tingkum wajiukha sailam Egypt mai wangpiuse shai mide, chiudi Israel maidungra kavang lunlungga lungjiu kap-kiambose palun bamme, sichiujiu nkha khaira khengsude, Paliuniu kapbo khuanse Tingwang niu chiukhaide.

Pasai, ngenase mawikhangjiu dikhang miboga, paniu patu chawang nahpui khuga puiwang mide, sichiujiu paniu ngena situ panahsiak kumjiu makuat sude. Paniu paronna haichiu din-e, “Iniu patu taduijiu gasu jupadbo-e, siniu pazan hai Iniu Mose chiu kurabo-e.

Chawang nahpui siniu maipui khugase din-e, “Haibo ngena haitu lulujiu aleng alu khailo, Iniu naphijeng pine.” Sichiujiu paniu ngena situ ponlujiu patu makuat sude.

Chawang nahpui siniu tadui nkhiu raleng, pavang puidungtu maluang lujiu sibo singgiu mung gase tadkiu sude. Paniu chapiujiuga takukse ngaoboga, sise lura pavang khattu langkhaide.

Mose niu tingkhang suboga, pamai Hebrew maidungtu phuira tadpad sude, siga paliutu dejiukha kam mathad bamlo chiubo paniu ngaode. Egypt mai khatniu Mose maisiak, Hebrew mai khattu kamshat bambo katang paniu ngaode. Mose niu awajiu phuiboga, mai khat niudi patu ngaomakge chiubo silujiu, paniu Egypt maipiu tuse kamshat lujiu paphawse nbuijiuga baikhai mide.