Популярні біблійні вірші з Joawh 7

Поділитись

Yis ku pariye kamaxwenevwi nuvitit, yis hawata humawnek kewa un dehetniki ariwtyakbe gidahankis hiyeg. In ke wotbe ka aynsima un dehetniki pes yiwntaknek adahan ikene gidehetnikis ka aynsima hiyeg akiw. Henewatbaki Uhokri gannasan awna.

Amaksemni fet abet ini hawkri ku pariye avitmin madikte hawkri adahan gifetrakis, ig Kiyavwiye Jesus ayge tabir ariku leglis. Ig hiyap neras muwveg ayge dimukne un giwtrikkis madikte hiyeg adahan kiyekisne gitkis ku samah minikwak Uhokri utipkis un gitkis izhaewyenevwi aynte amadga amatap. Ig hiyapni hene, ig awna gitkis hiyeg akak madikte gawaygi. Giwn: — Aytninabay numkanit. Yis ku pariye giharitwiye Uhokri kiyesrad ke pahavwi hiyeg arabyuvyebe unbe, aytninabay numkanit. Nah kewa un dehetniki ariwtyakbe yidahan. Higapnabay nuwntak takunipti. Kamaxwanabay nuvitit takunipti.

Ig Kiyavwiye Jesus awna inakni adahan arakak ku samah kamaxwenevwi givitit ignes gitiphaw Kiyavwiye Uhokrinek. Heneme Gitip kote awahkiskante mmanawa ig Kiyavwiye Jesus kote wagahte ku kiney gikiytani.

Mmahki yis ikanuh ku nah taraksevye? Ka yi muwaka iki pahavwi ku ig taraksevye kibehtenwatma. Hiyapnigte ba ig wadityewatma. Henewatbaki ig Kiyavwiye Jesus awna.

Pahavwi ku pariye awna he giwnteknewatnen, igi aharitne hiyeg kiyathig. Nahme awna adahan hiyeg kiyatha nawahkisten. Nikwe nah awna iwit ku pariye inyewatnene, nah awna wadit.

Ig Kiyavwiye Jesus timapni hene, ig awna gitkis: — Nukannuhwan kawki nuwnteknewatma. In giwntak nawahkisten.

Hiyeg amedgenevwi inin ka amiyhay. Nahme ignes amiyhanan. Igkis amiyhanan awaku ku samah nah ekkene gitkis gikehnikis mbeyevye.