Популярні біблійні вірші з Luka 9

Поділитись

Ubawila bose giki, Munhu ose ulu atogilwe kunilondela, ilemeje ngʼwenekele, abuche nsalaba gwakwe buli lushiku, anilondele.

Iki uyo ose atogilwe kupija bupanga wakwe, alabuyagaja, na uyo ose alabuyagaja bupanga wakwe kulwa nguno yane, ngʼwene alabupija.

Aliyo Yesu ungʼwila giki, Ati ho munhu igelelilwe butemi wa Mulungu uyo wadimaga igembe lya kulima na ngʼombe, hanuma ulola ya kunuma.

Iki ikumelela ki munhu ulu upandika si yose, aliyo wiyagaja ngʼwenekele nulu kwijimija ngʼwenekele?

Iki uyo ose ucha minala kulwa nguno yane na kulwa nguno ya mihayo yane, ngʼwenuyo Ngʼwana wa munhu nanghwe alacha minala kulwa nguno yakwe, aho aliza ngʼwikujo lyakwe, na lya ngʼwa Ise, na lya bamalaika bela.

Na Yesu ungʼwila giki, Nyamhawa jili na miobo, na noni ja hape jili na machanzo, aliyo Ngʼwana wa munhu ati na ha kulaja ntwe gwakwe.

Ubawila giki, Uyo ose ungʼwanukula nigini uyu mu lina lyane, wananukula Nene; na uyo ose unanukula Nene wangʼwanukula Uyo waanituma Nene. Iki uyo ali ndo mu bingʼwe bose, u ngʼwene alabiza ntale.