Популярні біблійні вірші з LUKASI 22

Поділитись

“Khotsi anga, arali zwi tshi konea uri tshinwelo itshi ndi si tshi nwe, a tshi mphiri zwanga naa? Naho ndi tshi ralo, hu songo itwa zwine Nṋe nda funa, hu itwe zwi funwaho nga Iwe.”

Nṋe-ha Simoni ndo ni rabelela uri ni si gunee. Huno inwi musi no no vhuya kha Nṋe ni khwaṱhise vharathu vhaṋu.”

A konou dzhia na vhurotho, a livhuha Mudzimu a vhu ṅwatekanya a vha ṋea a tshi khou ri, “Hoyu ndi muvhili wanga [une wa khou kumedzwa hu u itela inwi. Ni ḓi ita hezwi, hu vhe u nnyelelwa.”

A ḓi ralo na musi a tshi vha ṋea tshinwelo vho no ḽa tshilalelo; a ri, “Tshinwelo itshi ndi malofha anga ane a khou shululelwa inwi, a khwaṱhisa mulanga muswa.]

A rabela o tou fhelela nga u pfa vhuṱungu, biko ḽawe ḽa rothela mavuni ḽi tshi nga marotha a malofha.]

Kha inwi a zwo ngo ralo; muhulwane kha inwi nga a nge ene muṱuku; a re murangaphanḓa a vhe mushumeli.

Yesu a fhindula a ri, “Ndi tshi tou ni vhudza Pitrosi, mukukulume u sa athu lila vhusiku ha ṋamusi ni ḓo vha no no landula luraru na ri a ni nnḓivhi.”