Популярні біблійні вірші з Lúkási 22

Поділитись

«Mɔ́ʼɔ, o elɛ mvéŋ, o epāʼne ejʉɔ ntūʼ ŋgʉɔ̄ʼ, tɛ meŋ ńde nú. Táʼ, meŋ te ndʉ́ɛ́ ŋ́gɛ, o eghʉ̄ ánɛ lekɔŋ ga á, ghʉ̄ɛ ánɛ páʼ o ó kɔŋ. » [

Táʼ, meŋ á swíŋte á Ndém ánɛ athū jú ŋ́gɛ, ndɛ́ʼ o eká tɛ ŋká, ánɛ lefɛ̄ nnɛ̄t ŋgyá á mbū meŋ. Afʉʼ zīi, o ó zéŋ efɛ́ nnɛ̄t ŋgyá á mbū meŋ, o etɔ́te epɔ̄ memía pú. »

Ńzéŋ mbɛ́ mblɛ, ésyákne á Ndém, ḿbwɔ́ʼte, ŋ́gē egapte á mbū pɔ́p, ńdé ŋ́gɛ: «Pɛ ekɔ, ejʉɔ é si ŋgɔ́ mbe nnɛ̄t za, [meŋ ŋgyáa ánɛ athū zɛ́. Pɛ ecʉ́ʼɛ nnáŋa ŋghʉ̄ɛ páʼa, ńdɔkɔ ŋkímtɛ á gá. »

Pɔ́ pfɛ́t tɛ é mi, á kʉɛ ndɔ̄ŋ meluʼ, ńzéŋ ŋghʉ̄ épúp, ŋ́gē eyá mé pɔ́p, ńdé ŋ́gɛ: «Emuɔ é si ŋgɔ́ metshi má, meŋ pfɛttɛ ánɛ athū zɛ́ páʼa, Ndém á lɔkɔ ŋkʉɔ́ʼɔ eka eswhī.]

Anu ŋgʉɔ̄ʼ zīi a gɔ ekó éwú, á nɔŋ mpfɛ́tɛ á yí, á tswiʼne eswíŋte á Ndém nnéŋ ntē, tɛ aziʼne á tó ánɛ yí, ńtsyákte á esī páʼ metshi lā.]

Táʼ, ḿbiŋ ŋgɔ́ mé pɛ, mbɔ á ka pɔ̄ŋ ŋ́gɛ, pɛ eghʉ̄ épúp ɔ́. Ŋiŋ yīi a á tsetsɛlɛ pɛ, ŋ́gɔ́ á mía ŋiŋ, a eghʉ̄ páʼ méŋkhʉ̄ wɛ lā. Ŋiŋ yīi a piīŋ ntshí á mvhɔ pɛ, ésáʼa á wɛ́, a egɔ́ páʼ ŋgaŋ afaʼ wɛ lā.

Yɛɛ́so á júʼ épúp, ńdé ŋ́gɛ: «Piɛ, zwíʼtɛ meŋ eshúŋ á wú. Ŋkʉɔʼ a ghʉ ege etɔ́ŋ melanjhʉ̄ ayáʼa, mbɔ o ó puŋne á gá ŋgʉɔ ntɛ́t. »