Популярні біблійні вірші з लुका 16

Поділитись

धो़न् च्‍युङेत्‍मु च्‍यीक्‍की लेल अक् मी ॱसी़ तेम्‍बोक्‍म झ्‍यीगुक्‍क हुगी धो़न् छ्‌यीयागी लेल अक् तेम्‍बोक्‍म झ्‍यीक्‍केन् बेत्। ॱनी यङ् मी ॱसी़ धो़न् च्‍युङेत्‍मु च्‍यीक्‍की लेल अक् ढङ्‌ज्‍ये मीत् झ्‍यीप्‍पेक्‍क हुगी धो़न् छ्‌यीयागी लेल अक् ढङ्‌बु मीत् झ्‍यीक्‍केन् बेत्।

ॱयोक्‍पु ॱसी़ इक् ज्‍यीन्‍दक् ॱङील स्‍यप्‍च्‍यी़ ज्‍युक् ॱमीत् छुगेन् बेत्। हुगी च्‍यीक्‍ल मीत् गुव झ्‍यीक्‍केन् बेत्। च्‍यीक्‍ल धेस्‍सी झ्‍यीक्‍केन् बेत्। च्‍यीक्‍तङ् ज्‍यर्केन् बेत्। च्‍यीक्‍तङ् मीत् ज्‍यर्केन् बेत्। खीत्‍रङ्‌गी ज्‍यीन्‍दक् ॱङील, को़न्‍ज्‍योक् धङ् नोर्ल स्‍यप्‍च्‍यी़ ज्‍युक् ॱमीत् छुगेन् बेत् सीन्‍न ॱसुङ बेत्।

हुगो झ्‍यीनी ॱनी, जम्‍बुलीङ्‌गी नोर्ल अक् त रङ्‌गी तेन्‍ज्‍ये मत् झ्‍येन ॱनी, दीम्‍बरङ्‌गी नोर् दी खो़त्‍ल टेत्‍न ॱसुम्‍ब खोक्‍की घन्‍दुक् झ्‍यीन गेल्‍लीङ् झ्‍यीत् छुगेन्। ॱयोङ्‌गी नोर्ल रङ्‌गी तेन्‍ज्‍ये मत् झ्‍येन ॱनी, रङ्‌ल युङ्‌गेङ्‌गी नोर् दी ॱसुम्‍ब तीङ्‌ला खो़त्‍ल घन्‍दुक् झ्‍यीन टो़क्‍केन्।

ॱनी हीगी लेल्‍ल अब्राहाम्‍गी मोशा धङ् कलुङ् ॱस्‍यो़क्‍केन् घयेक्‍की केच्‍च्‍यल हुबे मीत् नेङ्‌गो़त्‍न ॱनी, मी ॱस्‍यीनरनी ॱसोम्‍बुल लोङ्‌न युङल अक् हुबे छ्‌य मीत् स्‍योक्‍केन् बेत् सीन्‍न झ्‍यीब बेत्।

मी रोरङ्‌गी छ्‌युङ्‌म ॱलो़ तङ्‌न ॱयोङ्‌म ठीक्‍न ॱनी, हुगो ॱयोङ्‌दङ् ङीब झ्‍यीबल डोगेन् बेत्। ॱनी यङ् ॱयोङ्‌गी ॱलो़ तङ् तङे भुमु छ्‌योगो ॱसी़ ॱनमल ठीक्‍को़दङ् हुगी ले हुगो ॱयोङ्‌गी ॱनम ठीक्‍प हीम्‍बे दीक्‍पल डोगेन् बेत्।