Популярні біблійні вірші з LUCAS 10

Поділитись

Tene' dzo'oc in dzáic te'ex páajtalil u ti'al a peecha'ktique'ex cano'ob yéetel síina'ano'ob, yéetel u ti'al a t'onquinsique'ex máax p'ecmaile'ex. Mixba'al cu páajtal u beetic te'ex kaas.

Ba'ale' Jesuse' tu núucaj ti': Marta, Marta, ya'abcach ba'alo'ob satic a wóol yéetel cu dzáic teech yaayaj óolal. Ba'ale' chéen yaan jun p'éel ba'al jach kabéet. Maríae' u yéeymaj u jach ma'alobil, lela' ma' bíin luksa'ac ti'i'.

U aj ca'anbesajil le a'almaj t'aano' tu núucaj: Yaabilt Yuumtzil a Jajal Dios yéetel tuláacal a pucsiikal pixan, yéetel tuláacal a muuk, yéetel tuláacal a na'at; yaabilt a láak je'el bix ca yaabiltcaba'e'.

Ca tu ya'alaj ti'ob: Jach tu jaajile' sen ya'ab le cool kaabéet u jo'ocholo', ba'ale' le j meyajo'obo' jach jun p'íito'ob. Le beetique' káat óolte'ex ti' u yuumil le coolo' ca u túuxt u láak j meyajo'ob u ti'al joch.

Ma'alob túun, ¿bix a wilic? ¿máacalmáac ti' le óox túul máaco'ob u láak le máax lúub tu kab le j ocolo'obo'? U aj ca'anbesajil le a'almaj t'aano' tu ya'alaj: Le máax tu ch'a'aj óotzilil ti'e'. Ca j a'ala'ab ti' tumen Jesús: Xeen, beet teech xan beyo'.

Xeene'ex; je'el túuna' tene' táan in túuxtique'ex bey j tamano'ob ichil j chacmo'olo'ob.