Популярні біблійні вірші з LUCAS 11

Поділитись

Bey túuno' wa te'ex, quex kaakas máaque'ex, a wojel a dza'ex ma'alob ba'alo'ob ti' a paalale'exe', jach tu jaajil a Taataex yaan te j ca'ano' bíin u dzáa le Quili'ich Pixan ti' le máaxo'ob káatic ti'e'.

Bey túuno' tene' quin wa'alic te'ex: Káatnene'ex, bíin dza'abac te'ex tumen Jajal Dios; caxanene'ex, bíin a nuptáante'ex; koopnene'ex, bíin je'ebec te'ex jool naj.

Tumen le máax cu káataje', cu kam; le máax cu caxane', cu nuptáantaj; le máax cu kope', cu je'ebel jool naj ti'.

Ca j a'ala'ab ti'ob tumen Jesús: Le quéen payalchi'inaque'exe' a'ale'ex beya': C Yuum yanech te j ca'ano', quili'ichcunta'ac a kaaba'. Talac a ajawil. Beeta'ac a wóolaj way lu'ume' je'el bix te j ca'ano'.

Sa'ates to'on c keban, tumen to'on xane' c sa'atsic tuláacal máaco'ob cu beetic to'on kaas. Ma' a cha'ic c lúubul ti' túuntaj óolal, ba'ale' toco'on ti' kaas.

Dzáa to'on bejela'e' le waaj kaabéet to'on u ti'al le kiina'.

U neek a wiche' u sáasilil a wíinclil; wa ma'alobe', tuláacal xan a wíinclile' chuup yéetel sáasil; ba'ale' wa kaase', a wíinclil xane' ichil éekjoch'e'enil yaan.

Mix máac cu t'abic jun p'éel sáasil, cu dzo'ocole' ca u ta'aque wa ca u dzáa yáanal jun p'éel muut, ba'ale' cu t'uchquintic ca'anal u ti'al u sáalsilcunt tuláacal le máaxo'ob cu yocolo'ob ich najo'.